ޑްރަގް ކޯޓުން އަމުރަށް، މަސްތުން ސަލާމަތް ވާން ރިހިބިލިޓޭޝަނަށް ދޫކޮށްލާފައި ހުރި މީހަކު ގިނަ އަދަދެއްގަ ފައިސާ ހުރި ބްރިފްކޭހެއް ވަގަށް ނަގައިގެން ފިލަން އުޅެނިކޮށް އަތުލައި ހައްޔަރުކޮށްފި އެވެ.
ފުލުހުން ބުނީ އެ މީހާ ހައްޔަރު ކުރީ ގދ. ގައްދޫ ގެއެއްގައި ފައިސާ އަޅާފައިހުރި ބްރިފްކޭހެއް ވަގަށް ނަގައިގެން ފިލަން އުޅެނިކޮށް އެ ރަށުގެ އާންމުންގެ އެހީތެރި ކަމާއެކު ކަމަށާއި އޭނާގެ ވަގަށް ނެގި ބްރިފްކޭހުގައި 29،000ރ. އަށްވުރެ ގިނަ އިން ހުރި ކަމަށެވެ.
ފައިސާ ހުރި ބްރިފްކޭސް ވަގަށް ނަގައި ފިލަން މަސައްކަތް ކޮށްފައި ވަނީ މިދިއަ ހުކުރު ދުވަހު އެވެ. މި މައްސަލައާ ގުޅިގެން ހައްޔަރު ކުރި މީހާއަކީ މަސްތުވާތަކެތީގެ މައްސަލަތަކުގެ ކުށުގެ ރިކޯޑް އޮންނަ މީހެކެވެ.