މި އަހަރުގެ މާޗް މަހު ފަލަސްތީނުގެ ޒުވާނަކަށް ބަޑިން ހަމަލާ ދީ މަރާލި އިޒުރޭލު ސިފައިންގެ މީހަކު 20 އަހަރަށް ޖަލަށް ލުމަށް އިޒްރޭލުގެ އަސްކަރީ ކޯޓަކުން ހުކުމް ކޮށްފިއެވެ.
އިޒްރޭލުގެ އަސްކަރީ ކޯޓަކުން މިއަދު ހުކުމް ކޮށްފައިވަނީ ފަލަސްތީނުގެ ޒުވާނެއް ކަަމަށްވާ ފަތްހަ އަލް ޝާރިފް، 21 ކުށެއް ނެތި މަރާލިކަން އިޒްރޭލު ސިފައިންގެ މިހާ އެލޯ އަޒާރިއާގެ މައްޗަށް ސާބިތުވާ ކަމަށެވެ.
ކޯޓްގައި އަޒާރިއާގެ ފަރާތުން ބުނެފައިވަނީ އެއީ އޭނާގެ ދިފާއުގައި ހިންގި އަމަލެއް ކަމަށާއި ފަތަހް ގައިގައި ބޮން ހަރުކޮށްފައިވާ ބެލްޓެއް އަޅަފައިވާ ކަމަށެވެ. ނަމަވެސް ކޯޓުން ބުނީ އެކަން ސާބިތު ކޮށް ނުދެވޭ ކަމަށެވެ.
ފަލަސްތީނުގެ ޒުވާނާގެ ގަޔަށް ބަޑި ޖަހާ މަރާލި މަންޒަރު ހިމެނޭ ވީޑިއޯއެއް ކޯޓަށް ވަނީ ހުށަހަޅާފައެވެ.
މި މައްސަލާގައި ފަތްހަގެ އާއިލާގެ ފަރާތުން ހުށަހަޅާފައިވަނީ އަޒާރިއާ އުމުރު ދުވަހަށް ޖަލަށް ލުމަށެވެ.
"އެމީހުން ފަލަސްތީނުގެ ރައްޔިތުންނަށް ހަދާހެން އުމުރު ދުވަހަށް ޖަލަށް ލާން ހުކލުމް ކުރަން ޖެހޭނެ އަދި މަރުވަންދެން ރެފްރިޖިރޭޓަރެއްގެ ތެރޭގައި ބާއްވަން ޖެހޭނެ." ފަތްހަގެ ބައްޕަ ޔުސްރީ އަލް ޝަރީފް ބުންޏެވެ.