ސައޫދީ އަރަބިއްޔާގައި ޔޫރޭނިއަމް މުއްސަދިކޮށް ވިއްކުމުގެ ވިސްނުން ގެންގުޅޭ ކަމަށް އެ ގައުމުގެ ހަކަތަ މިނިސްޓަރު އަބްދުލްއަޒީޒް ބިން ސަލްމާން ވިދާޅުވެއްޖެ އެވެ.
ޔޫރޭނިއަމް އަކީ ރޭޑިއޯއެކްޓިވް މާއްދާ އެކެވެ. އާންމުކޮށް ބޭނުންކުރަނީ ނިއުކްލިއާ ރިއެކްޓަރުތަކުގަ އެވެ.
މިއީ ނިއުކްލިއާ އިންޖީނުގެތައް ހިންގުމަށް ބޭނުންކުރެވޭ މާއްދާ އެކެވެ. ނިއުކްލިއާ ހަތިޔާރު -- ނިއުކްލިއާ ބޮން އަދި ނިއުކްލިއާ ވޯހެޑް އުފެއްދުމަށް ވެސް ޔޫރޭނިއަމް ބޭނުންކުރެ އެވެ.
ބިން ސަލްމާން ވިދާޅުވި ގޮތުން ސައޫދީގައި ޔޫރޭނިއަމް އުފައްދާނީ ވިޔަފާރީގެ އުސޫލުން އަދި ނިއުކްލިއާ ރިއެކްޓަރުގައި ބޭނުންކުރެވޭ ފެންވަރަށެވެ. ދުނިޔެއަށް ނުރައްކާކޮށްފާނެ އެއްވެސް މާނައެއްގައި ޔޫރޭނިއަމް ބޭނުންނުކުރައްވާނެ ކަމަށް އޭނާ ވިދާޅުވި އެވެ.
އަބްދުލްއަޒީޒް ބިން ސަލްމާން ވިދާޅުވި ގޮތުން ޔޫރޭނިއަމް މުއްސަނދިކުރަން ފެށުމުގެ ކުރިން މައްސައްކަތަށް ކަނޑައަޅާ ހުރިހާ މަރުކަޒުތަކެއް، އިންޓަނޭޝަނަލް އެޓޮމިކް އޭނާޖީ އޭޖެންސީ (އައިއޭއީއޭ) އިން ބަލާ ފާސްކުރާނެ އެވެ.
އޭނާޖީ އޭޖެންސީގެ ބެލުމުގެ ދަށުން، ބަލާ ފާސްކުރުމަށް -- އެ އޭޖެންސީން ބޭނުން ވަގުތެއްގައި މަރުކަޒުތައް ހުޅުވާލާނެ ކަމަށް ވެސް ވަޒީރު ވިދާޅުވި އެވެ.
