އެފްއޭއެމްގެ އެކްސްޓްރާ އޯޑިނެރީ ކޮންގުރެސްްއާ ގުޅިގެން ކްލަބު ވެެލެންސިއާ އިން ފީފާ އަށް ސިޓީ ފޮނުވި މައްސަލައިގައި އެ ކްލަބަށް މާފަށް އެދެން ދިން މުއްދަތުގައި އެކަން ފުރިަހަމަކޮށްފައި ނުވާތީ އެ ކްލަބުގެ މައްސަލަ ޑިސިޕްލިނަރީ ކޮމެޓީ އަށް ފޮނުވާފައިވާ ކަމަށާއި ވެލެންސިއާ ފުޓްބޯޅައިން މަހުރޫމްވާން ޖެހުނަސް ޑިސިޕްލިނަރީ ކޮމެޓީން އަޅާ ކޮންމެ ފިޔަވަޅަކަށް ތާއީދުކުރާނެ ކަމަށް އެފްއޭއެމްގެ ނޯމަލައިޒޭޝަން ކޮމެޓީގެ ރައީސް މުހައްމަދު ޝަވީދު ވިދާޅުވެއްޖެ އެވެ.
މިދިޔަ މަހު އޮތް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ އެކްސްޓްރާ އޯޑިނަރީ ކޮންގުރެސްއާ ގުޅޭ ގޮތުން ކްލަބް ވެެލެންސިއާ އިން ފީފާ އަށް ފޮނުވާފައިވާ ސިޓީގައި ހިމަނާފައިވަނީ ދޮގު މައުލޫމާތުތަކެއް ކަމަށް އެފްއޭއެމް އިން ވަނީ ބުނެފަ އެވެ. މި އަހަރަށް އެފްއޭއެމް އިން ކަނޑައަޅާފައިވާ ބަޖެޓަކީ ފީފާގެ ނައިބު ރައީސް އަދި މި އަހަރު ފީފާގެ ރައީސް ކަމަށް ވާދަކުރައްވާ ޖޯޑަންގެ ޕްރިންސް އަލީ ބިން އަބްދުﷲ އަލް ހުސެއިން ދެއްވާ އެހީތެރިކަމާއެކު ކަނޑައެޅި ބަޖެޓޭއް ކަމަށާއި ކުރިއަށް އޮތް ފީފާގެ އިންތިހާބުގައި އެފްއޭއެމް އިން ތާއީދުކުރާނީ ޕްރިންސް އަލީ އަށް ކަމަށް ކޮންގުރެސްގައި ޝަވީދު ވިދާޅުވި ކަމަށް ވެލެންސިއާ އިން ފީފާ އަށް ފޮނުވި ސިޓީގައި ބުނެފައިވާކަން އެފްއޭއެމް އިން ވަނީ ބުނެފަ އެވެ.
ޝަވީދު ވިދާޅުވީ މި ސިޓީގެ މައްސަލައިގައި މާފަށް އެދެން ވެލެންސިއާ އަށް ދިން ތިން ދުވަހުގެ މުއްދަތުގައި އެ ކްލަބުން އެގޮތަށް އަމަލުކޮށްފައިނުވާ ކަމަށެވެ. އެހެންވެ ޑިސިޕްލިނަރީ ކޮމެޓީ އަށް މައްސަލަ ފޮނުވާފައިވާ ކަމަށާއި ޑިސިޕްލިނަރީ ކޮމެޓީގެ ކޮންމެ ނިންމުމަކަށް ތާއީދުކުރައްވާނެ ކަމަށެވެ.
"ވަރަށް މިނިވަން ޑިސިޕްލިނަރީ ކޮމެޓީއެއް މިހާރު އެ އޮތީ. ކްލަބު ލައިސަންސް ހިފަހައްޓަން ޖެހުނުސް، ކްލަބު ވެލެންސިއާ ފުޓްބޯޅައިން މަހުރޫމްވާންޖެހުނަސް، ޑިސިިޕްލިނަރީ ކޮމެޓީން ނަގާ ކޮންމެ ޑެސިޝަނެއް އަޕްހޯލްޑް ކުރާނަން،" ޝަވީދު ވިދާޅުވި އެވެ. "ކިތަންމެ ބޮޑު ކްލަބަކަށްވިޔަސް އެފްއޭ އިން ފުޓްބޯޅަ ރެގިއުލޭޓްކުރަން ނަގަން ޖެހޭ ޑެސިޝަނެއް ނަގާނެ. އެއީ އެންމެ އެދެވޭ ގޮތަށް ނުވިޔަސް އެކަންޖެހޭނީ ގަބޫލްކުރަން."
ޝަވީދު ވިދާޅުވީ އެފްއޭއެމް އިން މާފަށް އެދުމަށް ދިން މުއްދަތުގައި ވެލެންސިއާ އިން އެފްއޭއެމް އަށް ފޮނުވި ސިޓީގައި މާފަށް ނޭދި، އެ ކްލަބުގެ ވާހަކަތައް ދިފާއުކޮށްފައިވާ ކަމަށެވެ. އަދި ޕްރިންސް އަލީ އަށް ތާއީދުކުރާ ކަމަށް ޝަވީދު ކޮންގުރެސްގައި ބުނި ކަމަށް ހެކިވެ، ފަސް ކްލަބަކުން އެ ސިޓީގައި ސޮއިކޮށްފައިވާ ކަމަށެވެ. އެކަމަކު އެ ފަސް ކްލަބުގެ ތެރޭގައި ހިމެނޭ ވިކްޓަރީ ސްޕޯޓްސް ކްލަބްގެ ބޯޑު މެމްބަރު އިބްރާހިމް ނާޝިދު ލައްވައި އެ ސިޓީގައި ސޮއިކުރީ "އޮޅުވާލުމެއްގެ ތެރޭގައި" ކަމަށް އެ ކްލަބުން ފަހުން ބުނެފައިވާ ކަަމަށެވެ.
ޝަވީދު ވިދާޅުވީ ވެލެންސިއާއާމެދު ފިޔަވަޅު އެޅުމަށް ފީފާ އިން ބާރު އަޅާ ކަމަށެވެ. އަދި އެގްޒެކުޓިވް ކޮމެޓީ އަށް ވެސް ފިޔަވަޅު އެޅުމުގެ ބާރު އޮތް ނަމަވެސް، އެ ބާރު ބޭނުންކުރަން ބޭނުންނުވާ ކަމަށެވެ.
"ވެެލެންސިއާ އަކީ ތާރީހެއް އޮތް ކްލަބަކަށް ވެފައި، ހިންމުގުމުގެ ދާއިރާ އާއި ވާުނުވާ އެނގެމުންދާ ދަނޑިވަޅެއްގައި ގޯހެއް ހެދިދާނެ ކަމަށް ގަބޫލްކުރެވޭތީ އަޅުގަނޑު ދުލެއް ދިނީ،" ޝަވީދު ވިދާޅުވި އެވެ.