ރައިސުލްޖުމްހޫރިއްޔާގެ އަނބިކަނބަލުން، ފަސްޓްލޭޑީ މެޑަމް ފާތުމަތު އިބްރާހިމް ރާއްޖޭގެ ތާރީހުން ހާއްސަ ޖާގަ ހޯއްދަވާފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ޕީޕީއެމްއަށް އަލަށް ގުޅުނު 400 މެންބަރުންގެ ފޯމުތައް ހަވާލު ކުރަން މިއަދު ހަވީރު ބޭއްވި ހަފްލާއެއްގައި ސައީދު ވިދާޅުވީ ރާއްޖޭގެ އާބާދީގެ ބޮޑު ބައެއް އަންހެން ކަނބަލުން ހިއްސާ ކުރާއިރު އެ އެކަނބަލުންނަށް ކަންކަމުގައި އިސް ނެންގެވުމުގެ ނަމޫނާ ދައްކަވަނީ މެޑަމް ފާތުން ކަމަށާއި އޭގެ ސަބަބުން ގިނަ އަދަދަކަށް އަންހެންކަބަލުން ޕީޕީއެމާ ގުޅެމުން އަންނަ ކަމަށެވެ.
"އިންސާނީ ތޮބިއްޔަތުގައި އާންމު ކަމެއް ލޯތްބެއް ނުވަތަ އަޅައިލުން އިހުސާސް ކުރެވޭނަމަ އެކަމަށް އާނއެކޭ ބުނުން. މީގެ ކުރީގައި ވެސް މި ގައުމުގައި ވަރަށް ގިނަ މީހުންނަށް ވެރިކަން ލިބި ވަޑައިގެންނެވި، އަދި މި ގައުމުގައި މީގެ ކުރިން ފަސްޓް ލޭޑީންނަށް ވެސް ފުރުސަތު ލިބި ވަޑައިގެންނެވި އިޖްތިމާއީ މަސައްކަތްތައް ކުރައްވަން. ނަމަވެސް މެޑަމް މިއަދު ވަނީ ރާއްޖޭގެ ތާރީހުން ހާއްސަ ޖާގަ ހޯއްދަވާފައި،"