އެސްޓީއޯ ޓްރޭޑް ސެންޓަރުގައި ހުންނަ އޯޝަން ޓްރެވެލްސް އޮފީސް ފަޅާލައި އެތަނުގެ ތިޖޫރީން 40000 ޑޮލަރު ވަގަށް ނެގި މައްސަލާގައި މީހަކު ހައްޔަރު ކޮށްފި އެވެ.
މި މައްސަލައާއި ގުޅިގެން އިއްޔެ ހެނދުނު ކޯޓު އަމުރެއްގެ ދަށުން ހައްޔަރު ކޮށްފައިވަނީ 39 އަހަރުގެ ދިވެހި ފިރިހެނެކެވެ.
ފުލުހުން ބުނީ އެމީހާއަކީ ތަފާތު އެކި ކަންކަމާއި ގުޅިގެން 85 ފަހަރު ހުއްޓުވާ ސުވާލުކޮށް 41 ފަހަރު ފުލުހުންގެ ބެލުމުގެ ދަށަށް ގެނެސް 15 ފަހަރު ހައްޔަރު ކޮށްފައިވާ މީހެއް ކަމަށެވެ. އަދި އޭނާ އަކީ މަސްތުވާތަކެތީގެ މައްސަލަތަކުގެ އިތުރުން ވައްކަމުގެ ގިނަ އަދަދެއްގެ މައްސަލަތަކުގެ ރެކޯޑް އޮންނަ މީހެއް ކަމަށް ވެސް ފުލުހުން ބުންޏެވެ. އަދި އޭނާގެ މައްޗަށް ތުހުމަތު ކުރެވޭ ތިން މައްސަލައެއްގެ ތަހުގީގު ނިންމާ ދަޢުވާ ކުރުމަށް ޕްރޮސެކިއުޓާ ޖެނެރަލްގެ އޮފީހަށް ފޮންުވާފަވާ ކަމަށް ވެސް ބުންޏެވެ.
އެސްޓީއޯ ޓްރޭޑް ސެންޓަރުގައި ހުންނަ އޯޝަން ޓްރެވެލްސް އޮފީސް ފަޅާލައި އެތަނުގެ ތިޖޫރީން ވަށްކަން ކުރީ މި މަހުގެ 19 ވަނަ ދުވަހުގެރޭ އެވެ.