އޮމާންގައި ކުރިއަށްދާ އޭއެފްސީ 23 އަހަރުން ދަށުގެ މުބާރާތުގެ ކޮލިފައިންގެ ގުރޫޕް އޭގައި ރާއްޖޭގެ 23 އަހަރުން ދަށުގެ ޓީމު ކުޅުނު ދެވަނަ މެޗުގައި މިރޭ ބަހުރޭންގެ 23 އަހަރުން ދަށުގެ ޓީމު އަތުން 3-0 އިން ބަލިވެއްޖެ އެވެ.
މެޗުގެ ފުރަތަމަ ހާފުގައި ބަހުރޭން އިން ވަނީ 1-0ގެ ލީޑެއް ނަގައިފަ އެވެ. އެ ޓީމުން އިތުރު ދެ ލަނޑު ޖެހީ ދެވަނަ ހާފުގަ އެވެ.
ކޮލިފައިންގައި ރާއްޖެ ކުޅުނު ފުރަތަމަ މެޗުގައި ލުބްނާން އަތުން ބަލިވީ 2-1 އިންނެވެ. މި މެޗުން ލުބްނާން މޮޅުވީ ރާއްޖެ ލަނޑެއް ޖަހައި ލީޑު ހޯދައިފައިވަނިކޮށެވެ.
ކޮލިފައިންގައި ރާއްޖެ ކުޅޭ ތިން ވަނަ މެޗުގައި ހުކުރު ދުވަހު ރާއްޖެއާ ދެކޮޅަށް ނުކުންނާނީ އިރާގެެވެ. މި މަހުގެ 29 ވަނަ ދުވަހު ރާއްޖެއާ ކުރިމަތިލާނީ އޮމާން އެވެ.