ކުރީގެ ފަސްޓް ލޭޑީ ފާތުމަތު އިބްރާހިމް

އައްޑޫ ސިޓީގެ ހާލަތު މެޑަމް ބައްލަވައިފި

May 18, 2017
1

އައްޑޫ ސިޓީގެ ހިތަދޫއަށް ނަގޫ ރޯޅިއެއް އަރައި ލިބުން ގެއްލުންތަކާއި މިވަގުތު ރައްޔިތުންގެ ހާލަތު ރައީސުލްޖުމްހޫރިއްޔާގެ އަނބިކަނބަލުން މެޑަމް ފަަތުމަތު އިބްރާހިމް ބައްލަވައިފި އެވެ.

މުލިޔާ ގޭގެ މީޑިއާ ކޯޑިނޭޓަރު ހަސަން ގައްސާން ވިދާޅުވީ މިއަދު މެންދުރުގެ ވަގުތެއްގައި އައްޑޫ ސިޓީގެ މޭޔަރު އަބްދުﷲ ސޯދިގަށް މެޑަމް ފާތުން ފޯނުން ގުޅުއްވި ކަމަށާއި އަދި އައްޑޫ ސިޓީގެ ހިތަދޫއަށް ރޭ ދިމާވި ހާދިސާއާ ގުޅޭ މައުލޫމާތު އޮޅުންފިލުއްވެވި ކަމަށެވެ. އެގޮތުން ރަށު ރައްޔިތުންގެ ހާލަތާއި، ގެއްލުން ލިބުނު ގެތަކުގެ އަދަދު ސާފުކުރައްވާ އާއްމު ހާލަތަކަށް ގެނައުމަށް މުއައްސަސާތަކުގެ އެއްބާރުލުން ލިބޭ މިންވަރު ސާފު ކުރެއްވި ކަމަށެވެ.

"އައްޑޫގެ ހާލު ރަނގަޅަށް ބައްލަވައި ވެދެވެން ހުރި އެއްބާރުލުންތައް ދެއްވާނެ ކަމުގެ ޔަގީންކަން މެޑަމް ފާތުން ދެއްވި،" ގައްސާން ވިދާޅުވި އެވެ.

ރާއްޖެއަށް މިހާރު ކުރަމުންދާ ހުޅަނގު މޫސުމުގެ ވިއްސާރާގައި ހިތަދޫއަށް އެރި ނަގޫ ރޯޅީގައި 10 ގެއެއް ވަނީ ދިރި ނޫޅެވޭ ވަރަށް ހަލާކުވެފަ އެވެ. ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެ އެވެ.