މޮރިޝަސްގައި އިއްޔަ ނިމިގެން ދިޔަ އިންޓަނޭޝަނަލް ބެޑްމިންޓަން ސީރީސް މުބާރާތުގެ ސެމީ ފައިނަލުން، ރާއްޖެ ބަލިވި ނަމަވެސް، މުބާރާތުގައި، ދަތުރު ކުރެވުނު މަރުހަލާއާ މެދު މެދު ހިތްހަމަޖެހޭ ކަމަށް ބެޑްމިންޓަން މޯލްޑިވްސްއިން އިން ބުނެފި އެވެ. ސެމީއިން ބަލިވި ނަމަވެސް ރާއްޖެ އަށް ވަނި ތިން ވަނަ ޓީމަށް ދޭ ބްރޯންޒް މެޑަލް ދީފަ އެވެ.
އަންހެންނުންގެ ޑަބަލްސް އިވެންޓްގައި، އެއްބަނޑު އެއްބަފާ ދެބެން ކަމަށްވާ ފާތިމަތު ނަބާހާ އަބްދު ރައްޒާގް އާއި އާމިނަތު ނަބީހާ އަބްދު ރައްޒާގް، ބަލިވީ، ދުނިޔޭގެ ރޭންކިންގެ 81 ވަނައިގައި އުޅޭ ޖަރުމަންގެ ދެ ޕެއާ ކަމަށްވާ، ލިސާ ކަމިނިސްކީ އާއި ހަންނަހް އާ ވާދަކޮށެވެ. .
އަދި ނަފްހާ ނަސްރުﷲ ގެ ޕެއާ ވާދަ ކުރީ، އެ ދެކުޅުންތެރިންނަށް ވުރެ، ރޭންކުގައި އެތައް ގޮތަކުން ކުރީގައި އުޅޭ އިންޑިއާގެ ސަންޔޯގިތާ އާއި ޕްރަޖަކާޓާގެ ޕެއާ ވާދަ ކޮށެވެ. އިންޑިއާގެ މި ދެ ޕެއާއަކީ، ދުނިޔޭގެ 91 ވަނަ އެވެ.
މިކްސް ޑަބަލްސްގައި، ނަބާހާއި އުންމީދީ ޒުވާން ކުޅުންތެރިޔާ ޒަޔާން ޝަހީދު ޒަކީ ބަލިވީ މެލޭޝިއާގެ ޕެއާގެ އަތުން ނެވެ. ޒަޔާންގެ ބައްޕަ ޝަހީދު ޒަކީ އަކީ ކުރިން ބެޑްމިންޓަން ކުޅުއްވި ކުޅުންތެރިޔެކެވެ.
"ރާއްޖެއިން ވާދަ ކުރީ ރާއްޖެއަށް ވުރެ ވަސީލަތްތަތަކާއި ރޭންކިންގައި، ރާއްޖޭގެ ކުޅުންތެރިންނަށް ވުރެ، މާ ކުރީގައި އުޅޭ، ގައުމުތަކުގެ ކުޅުންތެރިންނާ، ދިވެހި ކުޅުންތެރިން ދެއްކި ކުޅުމާމެދު ހިތްހަމަ ޖެހޭ، ލިބުނު ނަތީޖާއިން އިތުރު އުންމީދެއް ލިބިގެން ހިނގައްޖެ." ބެޑްމިންޓަންގެ އޮފިޝަލަކު ވިދާޅުވި އެވެ.
ބެޑްމިންޓަން އެސޯސިއޭޝަނުން ދަނީ، ބޭރުގެ ތަޖުރިބާ ކާރަކު ގެނެސް، ބެޑްމިންޓަންގެ ހުނަރު އިތުރަށް ތަރައްގީ ކުރުމަށް މަސައްކަތް ކުރަމުން ނެވެ. އެ އެސޯސިއޭޝަންގެ އަމާޒަކީ، މޮރިޝަސްގައި 2019 ވަނަ އަހަރު ބާއްވާ، އިންޑިއަން އޯޝަން އައިލެންޑް ގޭމްސްގައި، ބެޑްމިންޓަން އިވެންޓުން ރަން މެޑައްޔެއް ހޯދުމެވެ.