މާލޭގެ އޭމެމްޑީސީ ކައިރިން މާރާމާރީ ހިންގައި އިތުރު ދެމީހަކު ޒަހަމް ކޮށްލައިފި އެވެ.
ޮޕޮލިހުން ބުނީ މިއަދު މެންދުރު 2:04 އެހާއިރު އޭއެމްޑީސީ ކައިރިން މާރާމާރީ ހިންގައި ދެމީހަކު ޒަހަމް ކޮށްލާފައިވާ ކަމަށެވެ. ނަމަވެސް އެމީހުންނަށް ތޫނު އެއްޗަކުން ހަމަލާދީފައިވާ ކަމެއް ސާފު ނުވާ ކަމަށާއި އެމީހުން ފަރުވާ ދިނުމަށް އައިޖީއެމްއެޗަށް ގެންގޮސްފައިވާ ކަމަށް ޕޮލިހުން ބުންޏެވެ. އަދި އެ މައްސަލާގައި މީހަކު ހައްޔަރު ކޮށްފައިނުވާ ކަމަށްވެސް ފުލުހުން ބުންޏެވެ.
މިއަދު 1:45 އެހާއިރު ސުޕްރީމް ކޯޓު ސަރަހައްދުން ވަނީ ތޫނު އެއްޗަކުން ހަމަލާދީ ޒަހަމްކޮށްލާފަ އެވެ. އެމީހާވެސް ވަނީ ފަރުވާއަށް އައިޖީއެމްއެޗް އަށް ގެންގޮސްފަ އެވެ. އެ މައްސަލާގައިވެސް މީހަކު ހައްޔަރު ނުކުރާ ކަމަށް ފުލުހުން ބުންޏެވެ.