ފޭސްބުކް ޕޭޖެއް ކަމަށްވާ "ޕްރީއޯޑާ އެމްވީ"ގެ ވެރިޔާގެ މައްޗަށް ދައުވާ އުފުލައި ކުރިމިނަލް ކޯޓަށް ފޮނުވައިފި އެވެ. އޭނާގެ މައްޗަށް އުފުލާފައިވަނީ މަކާރާއި ހީލަތުގެ ދައުވާ އެވެ.
ޕްރިއޯޑާ ޕޭޖުން މީހުން އަތުން ފައިސާ ނެގުމަށް ފަހު ހަބަރެއް ނުވާ މައްސަލަ ފެންމަތިވެ އާންމުންގެ ޝަކުވާތަކާ ހެދި ފުލުހުން އެ މައްސަލަ ތަހުގީގުކޮށް، އެ ޕޭޖުން ވިޔަފާރިކޮށްގެން މައްސަލައެއް ދިމާވެފައިވާ ފަރާތެއް ނަމަ އެކަން ވީހާވެސް އަވަހަކަށް ފުލުހުންނަށް ރަސްމީކޮށް ހުށަހަޅަން އެންގި އެވެ.
ފުލުހުންގެ އެ އެންގުމާ ގުޅިގެން 81 މީހަކު ވަނީ އެ ޝަކުވާ ހުށަހަޅާފަ އެވެ. އޭގެ ތެރެއިން ހަ މީހަކަށް "ޕްރީއޯޑާ އެމްވީ"ގެ ވެރިފަރާތުން ވަނީ ފައިސާ ދައްކާފަ އެވެ. އެހެންކަމުން ދައުވާ ކޮށްފައިވަނީ 75 މީހެއްގެ ޝަކުވާއަށް ބިނާކޮށެވެ. އެއީ ގާތްގަނޑަކަށް ހަ ލައްކަ ރުފިޔާއާ ގުޅޭ ދައުވާއެކެވެ.