ގއ. ކޮނޑޭ ރައްޔިތުންގެ މެދުގައި އެކުވެރިކަން އުފައްދުމަށް "ޖީޑަބްލިޔު ކޮނޑޭ ސްޕަ ލީގް" ގެ ނަމުގައި ފުޓްސަލް ލީގެއް މިއަހަރު ޑިސެމްބަރު މަހު ބާއްވަން އިއުލާން ކޮށްފި އެވެ.
މި މުބާރާތް އިންތިޒާމް ކުރަނީ ކުލަބު ޕިންކް ސްޓްރީޓުންނެވެ. އަދި މުބާރާތުގެ ހޯސްޓަކީ މަކައްލާ ޔުނައިޓެޑެވެ. މުބާރާތުގެ މެއިން ސްޕޮންސަރަކީ ޖީޑަބްލިޔު އެވެ. އެހެންވެ، މުބާރާތުގެ ޓައިޓަލްވެސް ވަނީ ޖީޑަބްލިޔުއަށް ހާއްސަ ކޮށްފަ އެވެ. މުބާރާތުގައި ބައިވެރިވުމަށް އެދޭ ފޯމު މިއަންނަ ހުކުރު ދުވަހު ން ފެށިގެން ދޫކުރާނެ އެވެ.
މުބާރާތް އިންތިޒާމު ކޮމިޓީގެ އޮފިޝަލަކު ވިދާޅުވީ، މުބާރާތުގައި، މިހާރުވެސް ހަ ޓީމަކުން ވާދަ ކުރާނެ ކަމަށް ޝައުގުވެރިކަން ފާޅު ކޮށްފައިވާ ކަމަށެވެ.
"އަޅުގަނޑުމެންގެ އަންދާޒާ އަކީ ހަ ޓީމު ބައިވެރިވާނެޔޭ، ހަމަގައިމުވެސް އެއަށްވުރެ މަދު ވާނެ ކަމަކަށް ގަބޫލެއް ނުކުރެވޭ ވަންޏާ ދެ ޓީމެއް އިތުރު ވުމުގެ ފުރުސަތު ބޮޑު،" އޮފިޝަލް ބުންޏެވެ. "ޓީމުތައް ގިނަވި ވަރަކަށް މުބާރާތުގެ ފޯރި ގަދަ ވާނެ އަދި އޭރުން އިތުރު ޒުވާނުންގެ ޝާމިލުވުންވެސް އެ އިތުރުވީ."
މުބާރާތް ހުޅުވާލާފައި ވަނީ ކޮނޑޭ ޓީމުތަކަށެވެ. ރަށްރަށުގެ އެތެރޭގެ މައްސަލަތަކަށް ބަލައިފިނަމަ އެންމެ ބޮޑު އެއް މައްސަލައަކީ ސިޔާސީ ގޮތުން އެކި އެކި ފިކުރުތަކަށް ބެހިފައި ވުމާއި، ދޭދޭ ފަރުދުންގެ މެދުގައި އޮންނަ މައްސަލަ ތަކެވެ. އެކަމުގެ ސަބަބުން ރަށްރަށުގެ އިޖުތިމާއީ ހަރަކާތްތަކަށް ލިބެނީ ވަޅޯ ތާފަނާ ތަރުހީބެކެވެ. ނަމަވެސް ކޮންޑޭއަކީ ކުޑަ އާބަދީއެއް ހިމެނޭ ވަރަށް އެކުވެރި ބައެއް ދިރިއުޅޭ ރަށެކެވެ. މުބާރާތުގެ އިންތިޒާމު ކޮމިޓީންވެސް އަޒުމު ކަނޑައަޅައިގެން ތިބީ ސިޔާސީ ގޮތުން އުފެދިފައިވާ ހިޔާލު ތަފާތުވުން ފަހަތައް އެއްލާލައި ހުރިހާ ފިކުރެއްގެ މީހުން އެއްތަނަކަށް ޖަމާ ކުރުމެވެ. އެކަން ގުޅިފައި ވަނީ ކޮނޑޭފެ ޖީޑަބްލިޔު ފުޓްސަލް ސްޕަ ލީގަށެވެ.
"އަޅުގަނޑުމެން ޔަގީން ކަން ދެން މި ކަމުގައި ސިޔާސީ އެއްވެސް ކުލައެއް ޖެހިގެން ނުދާނެ އެހުރިހާ ކަންކަމެއް އެއްކިބާ ކޮށް މި މުބާރާތާއިގެން އަޅުގަނޑުމެން ކުރިއަށް ދާނީ." ކުރިން ވާހަކަ ދެއްކި އޮފިޝަލް ބުންޏެވެ.
މުބާރާތުގެ އަރިމަތީ ހަވާސާގެ ތެރެއިން ކުޑަކުދިންގެ ހަވީރެއް ބޭއްވުމަށް މުބާރާތް އިންތިޒާމު ކުރާ ފަރާތުން އޮތީ ތައްޔާރަށެވެ. އާއިލީ ހަވީރުގެ ބޭނުމަކީވެސް ހުރިހާ އުމުރެއްގެ މީހުންނާ އާއިލާތައް މިކަމުގައި ޝާމިލު ކުރުމެވެ. ކޮންޑޭގައި އެކަކަ އަނެކަކަށް އަޅާލާ މުޖުތަމައެއް ބިނާ ކުރުމެވެ.
ދެން އޮތީ މުބާރާތުގެ އިނާމު ފައިސާ އެވެ. ޗެމްޕިއަން ޓީމަށް 50000 ރުފިޔާ ދިނުމަށް މިހާރުވެސް އޮތީ ހަމަޖެހިފައެވެ. ރަނަރަފު ޓީމާއި ފެއާ ޕްލޭ ޓީމަށްވެސް އެހެނެިހެން އިނަމުތައް ލިބިގެންދާނެ އެވެ. މުބާރާތް ފަށާނެ ތާރީހެއް އަދި މުޅިން ފައިނަލު ނުވިނަމަވެސް، އިންތިޒާމު ކޮމިޓީގެ އަމާޒަކީ ޑިސެމްބަރު 10 ވަނަ ދުވަހު މުބާރާތް ފެށުމެވެ. އެހެން ވެއްޖެނަމަ މުބާރާތުގެ ފައިނަލު މެޗު އޮންނާނި ޑިސެމްބަރު މަހު 15 ވަނަ ދުވަހު އެވެ.