އުރީދޫ ދިވެހި ޕްރިމިއާ ލީގްގައި ޓީސީއާއި ކްލަބް ގްރީން ސްޓްރީޓްސް ބައްދަލުކުރި މެޗު 1-3 ގެ ނަތީޖާއަކުން ކާމިޔާބުކޮށް ޓީސީ ދެވަނަ މަގާމުގައި އޮތް މާޒިޔާއާއި ޕޮއިންޓްގެ ގޮތުން ހަމަހަމަކޮށް ފުރަތަމަ ބުރު ނިންމާލައިފިއެވެ. ޓީސީއާއި މާޒިޔާއަށް 16 ޕޮއިންޓް ލިބިފައިވާއިރު ގްރީން ސްޓްރީޓް އޮތީ 4 ވަނަ މަގާމުގައި 12 ޕޮއިންޓާއެކު އެވެ.
ޓީސީ އަދި ގްރީން އިންވެސް މެޗުގައި ކާމިޔާބުކުރި ގޯލްތަށް ފެނިގެންދިޔައީ މެޗުގެ ދެވަނަ ހާފްގައެވެ. މެޗުގެ ފުރަތަމަ ގޯލް ޓީސީއަށް ކާމިޔާބުކޮށްދިނީ ނާއިޒްއެވެ. 57 ވަނަ މިނިޓުގައި މިގޯލް ޓީސީއަށް ކާމިޔާބުކޮށްދިނީ ނާއިޒް (ދާދުއެވެ.) އެއަށްފަހު ޓީސީގެ މިސްރުގެ ވިންގަރު ހަލީލް ވަނީ ގްރީންގެ ކީޕަރު ޖުން ނިކުމެ ސާފުކޮށްލަން އުޅުނު ބޯޅައެއް ހޯދުމަށްފަހު ދުރުން ގޯލްގެ ތެރެއަށް ބޯޅަ އޮއްސާލާފައެވެ. ޓީސީގެ ފަހު ގޯލް ކާމިޔާބުކޮށްދިނީ މެޗުގައި މޮޅު ކުޅުމެއް ދެއްކި ފޯވާޑް ސްޓުވާޓް ކޮނަލިއަސްއެވެ.
ގްރީން ސްޓްރީޓްގެ ހަމައެކަނި ގޯލް މެޗުގެ 71 ވަނަ މިނިޓުގައި ޖެހީ އަހުމަދް ނިޒާމްއެވެ. ނަމަވެސް އެޓީމަށް މެޗުގެ ނަތީޖާ ހަމަހަމަ ކުރެވޭގޮތެއް ނުވިއެވެ. ގްރީންގެ މުހިންމު ކުޅުންތެރިއެއް ކަމަށްވާ ސޮބޮލް އިލިއާ މެޗުގައި ކުޅުނު ނަމަވެސް ޓީސީގެ ޑިފެންސް ފޫއަޅުވާލުމަށްފަހު އިތުރު ގޯލްތަކެއް ކާމިޔާބުކުރެވޭ ގޮތެއް ނުވިއެވެ.
މެޗަށްފަހު ވާހަކަ ދައްކަމުން ޓީސީގެ ކޯޗް މުހައްމަދު ނިޒާމް ބުނީ ޕޮއިންޓުގެ ގޮތުން ދެވަނައިގައި އޮވެ ފުރަތަމަ ބުރު ނިންމާލެވުމަކީ ވަރަށް ބޮޑު ހިތްހަމަޖެހުމެއް ކަމަށާއި ޖުމްލަކޮށް ފުރަތަމަ ބުރުގައި ދެއްކި ކުޅުމާ މެދު ވަރަށް ބޮޑަށް ހިތްހަމަޖެހޭ ކަމަށެވެ.
ގްރީންގެ ކޯޗު ސޮބާ ބުނީ އެހެން ޓީމުތަކާ އެއްހަމައެއްގައި އޮތުމަށް މިރޭ މޮޅުވުން ވަރަށް މުހިއްމު ކަމަށާއި އެކަމަކު އަދިވެސް އުއްމީދު ނުގެއްލޭ ކަމަށެވެ. އަދި ކުރިއަށް މިއޮތް ބްރޭކުގައި ވަރަށް ބޮޑަށް މަސައްކަތް ކުރަންޖެހޭކަމަށްވެސް ސޮބާ ބުނެންޏެވެ.