ރައީސް އަބްދުﷲ ޔާމީންގެ އަނބިކަނބަލުން، މެޑަމް ފާތުމަތު އިބްރާހިމް އައްޑޫ ސިޓީއަށް މިއަދު ވަޑައިގެންފި އެވެ.
މެޑަމް އައްޑޫ ސިޓީއަށް ވަޑައިގަތީ އެކަމަނާ ހިންގަވާ، "އެންމެ ގާތުން" ކެމްޕެއިނުގެ ދަށުންނެވެ. އެ ކެމްޕެއިނުގެ ދަށުން އެކަމަނާ ވަނީ މީގެ ކުރިން ވެސް ބައެއް އަތޮޅުތަކަށް ވަޑައިގެން، އެ ރަށްރަށުގައި ތިބި ނުކުޅެދުންތެރިކަން ހުންނަ ފަރާތްތަކާ ބައްދަލުކުރައްވާފަ އެވެ.
އައްޑޫ ސިޓީއަށް މިއަދު މެޑަމް ފާތުން ވަޑައިގަތުމުން ޕީޕީއެމްއަށް ސަޕޯޓްކުރާ އެ ސިޓީގެ ރައްޔިތުން ވަނީ އެކަމަނާއަށް މަރުހަބާ ދަންނަވާފަ އެވެ.
މެޑަމްގެ މި ދަތުރުފުޅުގައި ކުރިއަށް ރޭވިފައި ހުރި ހަރަކާތްތައް އަދި ހާމަކޮށްފައެއް ނުވެ އެވެ. ނަމަވެސް މައުލޫމާތު ލިބޭ ގޮތުގައި ދަތުރުފުޅުގައި މެޑަމް އައްޑޫ ރައްޔިތުންނާ ބައްދަލުކުރެއްވުމަށް އަންނަ ހޮނިހިރު ދުވަހު ހިތަދޫގައި ޖަލްސާއެއް ބާއްވާނެ އެވެ.
