ގައުމީ ބާސެކެޓްބޯޅަ ލީގްގެ ތަށި މިލްކުކުރަން ނިކުތް، މިދިޔަ ދެ އަހަރުގެ ޗެމްޕިއަން ޓީރެކްސް ބާސެކެޓްބޯޅަ ކުލަބު ބަލިކޮށް ގައުމީ ބާސެކެޓްބޯޅަ ލީގްގެ ޗެމްޕިއަންކަން ކިންގްސް ބާސެކެޓް ބޯޅަ ކުލަބު ހޯދައިފި އެވެ.
ގައުމީ ލީގް ޗެމްޕިއަންކަން ކިންގްސް ހޯދީ، މުބާރާތުގެ އެންމެ ފަހު މެޗުގައި، ރޭ ޓީރެކްސްގެ މައްޗަށް ހަތް ޕޮއިންޓްގެ ތަފާތަކުން ކާމިޔާބު ހޯދައިގެން ނެވެ. ކިންގްސްއިން 78 ޕޮއިންޓް ހޯދިއިރު، ޓީރެކްސްއަށް ހޯދުނީ 71 ޕޮއިންޓެވެ.
ކިންގްސް އަށް އެންމެ ގިނަ ޕޮއިންޓް ހޯދައިދިނީ، 22 ޕޮއިންޓް ހޯދި ނިކޮލާ ކޮރޮވޯވިޗް އެވެ. ޓީރެކްސް އަށް އެންމެ ގިނަ ޕޮއިންޓް ހޯދައިދިނީ 17 ޕޮއިންޓް ހޯދި، ޒަކަރިއްޔާ އަބްދުއްލަތީފެވެ.
މުބާރާތުގެ އެންމެ މޮޅު ކުޅުންތެރިޔަކަށް ހޮވުނީ، ޓީރެކްސް އިބްރާހިމް ރަޝްވާން (ޗިކް) އެވެ. އެންމެ މޮޅު ފަސް ކުޅުންތެރިންނަކީ:
މިލޮރޯޑް ޑާމްޖަނިކް (ރެޕްޓާސް ބާސެކްޓްބޯޅަ ކުލަބު)
އަބްދުﷲ އަމްޒާރު (ދަ ބައުސް)
ދުޝަން އޮގެންޖެނޮވިކް (ޓީރެކްސް)
މުހައްމަދު ބިލާލް (ކިންގްސް)
އަހްމަދު ފިރާޝް (ކިންގްސް)