ގެއްލުމެއް ދޭން އުޅޭކަމުގެ މައުލޫމާތެއް އެނގިވަޑައިނުގަންނަވާ ކަމަށާއި އެފަދަ މައުލޫމާތެއް އެނގިވަޑައިގަންނަވާނަމަ އެކަމުގެ ތަފްސީލު ހިއްސާކޮށްދިނުމަށް ސިފައިންގެ މުއައްސަސާގައި އެދިފައިވާ ކަމަށް ކުރީގެ ރައީސް މައުމޫން އަބްދުލް ގައްޔޫމް ވިދާޅުވެއްޖެ އެވެ.
މީގެ ކުޑަ އިރުކޮޅެއް ކުރިން ޓުވީޓެއް ކުރައްވާ ރައީސް މައުމޫން ވިދާޅުވީ، އެމަނިކުފާނުގެ ހަށިކޮޅަށް ގެއްލުމެއްދޭން ބަޔަކު އުޅޭ ކަމުގެ މައުލޫމާތު މޯލްޑިވްސް ޑިފެންސް ފޯހުން އިއްޔެ ދީފައިވާ ކަމަށެވެ. އަދި އެކަމާ ގުޅިގެން އެންއެންޑީއެފްގެ ބޭފުޅުން އެމަނިކުފާނު ދިރިއުޅުއްވާ މ. އެންދެރިމާގޭގެ ސެކިއުރިޓީވެސް ބަލަހައްޓަމުން ގެންދާ ކަމަށެވެ.
އެއްވެސް ފަރާތަކުން ނުރައްކަލެއް ދޭން އުޅޭ ކަމުގެ މައުލޫމާތެއް އެނގިވަޑައިނުގަންނަވާތީ އެކަމުގެ މައުލޫމާތު ހިއްސާކުރުމަށް އެދި އެމްއެންޑީއެފަށް ސިޓީ ފޮނުވާފައިވާ ކަމަށް މައުމޫން ވިދާޅުވި އެވެ.
"ނުރައްކަލެއް ވާނަމަ އެކަމުގެ ތަފްސީލު ހިއްސާކުރުމަށް އެދި އެމްއެންޑީއެފް އަށް ސިޓީ ފޮނުވައިފިން، އޭރުން އަޅުގަނޑު އަމިއްލަފުޅަށްވެސް ރައްކާތެރިކަން ކަށަވަރުކުރަން އެނގޭނެ،" މައުމޫންގެ ޓުވީޓުގައި ވިދާޅުވި އެވެ.
ރައީސް މައުމޫންގެ ހަށިކޮޅަށް ގެއްލުމެއްދޭން އުޅޭ ކަމަށް އިންޓެލިޖެންސަށް ލިބުނު މައުލޫމާތަކާ ގުޅިގެން މިއަދު ހެނދުނުން ފެށިގެން ސިފައިން ގެންދަނީ އެގޭގެ ސެކިއުރިޓީ ބެލެހެއްޓުމަށްޓަކައި ގެއަށް ވަންނަ މީހުންގެ ނަންނޯޓު ވެސް ކުރަމުންނެވެ.