މިހާރު ކުރިއަށްދާ މައިލޯ އިންޓަ ސްކޫލް ފުޓްބޯޅަ މުބާރާތުގެ 14 އަހަރުން ދަށުގެ އުމުރު ފުރައިގެ ފައިނަލްގައި އިއްޔެ މަޖީދިއްޔާ ސްްކޫލް އަތުން 1-0 އިން މޮޅުވެ، އިސްކަންދަރު ސްކޫލް މުބާރާތުގެ ޗެމްޕިއަންކަން ހޯދައިފި އެވެ.
ހެންވޭރު ދަނޑުގައި ކުޅުނު ފައިނަލް މެޗުގެ 50 ވަނަ މިނިޓުގައި އިސްކަންދަރަށް ލަނޑު ޖަހައިދިނީ މުހައްމަދު ބަޝަރެވެ.
މި އުމުރު ފުރައިގެ އެންމެ ގިނަ ލަނޑު ޖެހި ކުޅުންތެރިއާގެ މަގާމު ލިބުނީ ޖަމާލުއްދީން ސްކޫލްގެ އިމްކާން އިބްރާހިމަށެވެ. އިމްކާން ވަނީ މި މުބާރާތުގައި އަށް ލަނޑު ޖަހައިފަ އެވެ. މި އުމުރު ފުރައިގެ އެންމެ މޮޅު ގޯލްކީޕަރަކަށް ހޮވުނީ އިސްކަންދަރުގެ އަދުހަމް ހުސެއިންނެވެ.