މައިލޯ އިންޓަ ސްކޫލް ފުޓްބޯޅަ މުބާރާތުގެ 18 އަހަރުން ދަށުގެ ބައިގެ ފައިނަލްގައި އިއްޔެ ގަލޮޅު މަދަރުސާ އަތުން 6-0 އިން މޮޅުވެ، އަހުމަދިއްޔާ އިންޓަނޭޝަނަލް ސްކޫލް މުބާރާތުގެ ޗެމްޕިއަންކަން ހޯދައިފި އެވެ.
ގަލޮޅު ރަސްމީ ދަނޑުގައި ކުޅުނު މެޗުގެ ފުރަތަމަ ހާފުގައި އަހުމަދިއްޔާ އިން ވަނީ 5-0ގެ ލީޑެއް ނަގައިފަ އެވެ. މެޗުގެ ނުވަ ވަނަ މިނިޓުގައި އަހުމަދިއްޔާ އަށް ލީޑު ހޯދައިދިނީ އައިމަން ތައުފީގެވެ. އަހުމަދިއްޔާގެ ދެވަނަ ލަނޑަކީ ގަލޮޅު މަދަރުސާގެ މުހައްމަދު މުސާ އަތުން ބައިކޮޅަށް ވަތް ލަނޑެކެވެ.
މެޗުގެ 22 ވަނަ މިނިޓުގައި އަހުމަދިއްޔާގެ ތިން ވަނަ ލަނޑު ޖެހީ އެ ޓީމުގެ ކެޕްޓަން މުހައްމަދު އަރާޝް އައްސަދެވެ. ފުރަތަމަ ހާފުގައި އަރާޝް ވަނީ އިތުރު ދެ ލަނޑު ޖަހައި، ހެޓްރިކެއް ހަދައިފަ އެވެ.
ދެވަނަ ހާފުގައި އަހުމަދިއްޔާގެ ހަ ވަނަ ލަނޑު ޖެހީ ޝަރަތު ހާމިދެވެ.