ވޯލްޑް ކަޕް ކޮލިފައިންގައި ކުޅެންޖެހޭ ފުރަތަމަ މެޗުގައި އަންނަ މަހު ދިވެހިރާއްޖެއާ ދެކޮޅަށް ނުކުންނަ ގަތަަރުން އާ ކޯޗެއް ހަމަޖައްސައިިފި އެވެ.
ގަތަރުގެ އާ ކޯޗަކަށް ހަމަޖެއްސި އުރުގުއޭގެ ހޯސޭ ޑެނިއެލް ކަރޭނޯ ،52، އެވެ. ކަރޭނޯ ގަތަރުގެ ގައުމީ ޓީމާ ހަވާލުވީ ގަތަރުގެ ފުރަތަމަަ ޑިވިޝަންގެ ކްލަބެއް ކަމަށްވާ އަލް އަރާބީގެ ކޯޗަކަށް ހުރެފަ އެވެ. މީގެ ކުރިން ކަރޭނޯ ވަނީ ސައުދީ އަރަބިއްޔާގެ އަލް ނަސްރަށް ރަނގަޅު ކާމިޔާބީތަކެއް ހޯދައިދީފަ އެވެ.
ކަރޭނޯގެ އިރުޝާދުގެ ދަށުން ގަތަރުގެ ގައުމީ ޓީމު ކުޅޭ ވާދަވެރި ފުރަތަމަ މެޗަކަށް ވާނީ ވޯލްޑް ކަޕް ކޮލިފައިންގައި އަންނަ މަހުގެ 11 ވަނަ ދުވަހު ރާއްޖެއާ ދެކޮޅަށް މާލޭގައި ކުޅޭ މެޗެވެ.
ކަރޭނޯ އަށް ކޯޗުކަން މި ހަވާލުވީ އަލްޖީރިއާގެ ޖެމާލް ބެލްމަދީ މަގާމުން ވަކިކުރުމަށް ފަހު އެވެ. ގަތަރުގެ އެފްއޭ އިން ބެލްމަދީ މަގާމުން ވަކިކުރީ މި އަހަރު އޮސްޓްރޭލިއާގައި އޮތް އޭޝިއަން ކަޕްގައި ގަތަރުގެ ނަތީޖާ ދަށްވުމުންނެވެ. އޭޝިއަން ކަޕްގައި ގަތަރު ވަނީ ގުރޫޕް ސްޓޭޖުން ކަޓައިފަ އެވެ.