ފާއިތުވި ހަތަރު އަހަރުގެ ތެރޭގައި މި ސާރުކާރުން ގައުމުގެ ތަރައްގީއަށް ކޮށްފައިވާ ކަންކަން ހިމަނައިގެން "ރައްވެހި ތަރައްގީ" ނަމުގައި ރައީސް އޮފީހުން ހާއްސަ ފޮތެއް ނެރެފި އެވެ.
މިއަދު ރައީސް އޮފީހުގައި ބޭއްވި ރަސްމިއްޔާތެއްގައި މި ފޮތް ނެރެދެއްވީ ރައީސުލްޖުމްހޫރިއްޔާ އަބްދުﷲ ޔާމީން އެވެ.
ރައީސް އޮފީހުން އެކުލަވާލާފައިވާ މި ފޮތުގައި މި ސަރުކާރުން ހިންގާފައިވާ ތަފާތު މަޝްރޫއުތަކުގެ ކުދި ކުދި ތަފްސީލް ހިމަނާފައިވެ އެވެ. މި މައުލޫމާތުތައް ދިރާސާކުރާ ފަރާތްތަކަށާއި ޔުނިވަސިޓީތަކުގައި ކިޔަވާ ދަރިވަރުންނަށް ލިބޭނެ ގޮތަށް އާންމުކުރާނެ އެވެ.
ރައީސް އޮފީހުން ބުނީ، ރައީސް ޔާމީންގެ ވެރިކަމުގައި ހިންގަމުންދާ މަޝްރޫއުތަކުގެ މަޢުލޫމާތުގެ އިތުރުން، 2009 ވަނަ އަހަރުން ފެށިގެން 2013 ވަނަ އަހަރުގެ ނިޔަލަށް ސަރުކާރުން ހިންގަވާފައިވާ ތަރައްގީގެ މަޝްރޫއުތަކުގެ މައުލޫމާތުވެސް މި ފޮތުގައި ހިމަނާފައިވެއެވެ.
މިފޮތަށް، މަޢުލޫމާތު ފޯރުކޮށްދީފައިވަނީ ދައުލަތުގެ މިނިސްޓްރީތަކާއި ކުންފުނިތަކާއި ތަފާތު އިދާރާތަކުން ނެވެ.