މޯލްޑިވް ގޭހުން އާއްމުކޮށް ގޭ ބިސީތަކުގައި ބޭނުންކުރާ 10 ކިލޯގެ ގޭސް ފުޅިއަކުން 50ރ. ހެޔޮކޮށްފި އެވެ.
މޯލްޑިވްގޭހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި އެ ކުންފުނީގެ މެނޭޖިން ޑިރެކްޓަރު އަބްދުﷲ މައުމޫން ވިދާޅުވީ ގޭހުގެ އަގު ހެޔޮކުރީ ރޯދަ މަހު މި ސައިޒުގެ ފުޅީގެ ޑިމާންޑް މަތިވާތީ ލުއިތަކެއް ދިނުމުގެ ގޮތުން ކަމަށެވެ.
ރޯދަ މަސް ފެށެން ހަފުތާއަކަށް ވެފައިވަނިކޮށް ގޭހުގެ އަގަށް ބަދަލު ގެނައިރު، ކުރިން 10 ކިލޯގެ ގޭސް ފުޅިއެއް ވިއްކަނީ 200ރ. އަށެވެ. އަގަށް ގެނައި ބަދަލާއެކު ފުޅިއެއް މާދަމައިން ފެށިގެން 150ރ. އަށް ލިބޭނެ އެވެ.
މިދިޔަ އަހަރު ވެސް ގޭހުގެ އަގު ހެޔޮކުރި ކުންފުނިން 10 ކިލޯގެ ފުޅީގެ އިތުރުން ވިޔަފާރީގެ ބޭނުންތަކަށް ބޮޑެތި ފުޅިވެސް ވިއްކަ އެވެ. އަދި ރާއްޖޭގެ ހޮސްޕިޓަލްތަކަށް ބޭނުންވާ ގޭސް ފޯރުކޮށްދެނީވެސް މޯލްޑި ގޭހުންނެވެ.
މޯލްޑިވް ގޭހަކީ ސަރުކާރާއި ރައްޔިތުން ހިއްސާވާ ކުންފުނި، އެސްޓީއޯގެ ސަބްސިޑަރީ ކުންފުންޏެކެވެ.