އެމްޑީޕީ ސަރުކާރުގެ އިސްލާމިކް މިނިސްޓަރު ޑރ. އަބްދުލް މަޖީދު އަބްދުލްބާރީ އަވަހާރަވުމާ ގުޅިގެން ރައީސް އަބްދުﷲ ޔާމީން ދައުޒިޔާ ދަންނަވައިފި އެވެ.
ރައީސް އޮފީހުގެ ތަރުޖަމާނު އިބްރާހިމް މުއާޒް އަލީ މިއަދު ކުރެއްވީ ޓްވީޓެއްގައި ވިދާޅުވީ މަޖީދު އަވަހާރަވި ހަބަރު އިއްވެވީ ފުން ހިތާމައާ އެކުގައި ކަމަށާއި އެ މަރުހޫމްއަށް ސުވަރުގޭގެ ދާއިމީ ނިއުމަތް މިންވަރުކޮށްދޭން އެދި ރައީސް ދުއާ ދަންނަވާ ކަމަށެވެ. އަދި މި ހިތާމަވެރި ވަގުތުގައި އާއިލައަށް ކެތްތެރިކަން ދެއްވަވާ ރައީސް ޔާމީން ވަނީ ތައުޒިޔާ ދަންނަވައިފަ އެވެ.
އަދާލަތު ޕާޓީގެ އިލްމުވެރިންގެ މަޖިލީހުގެ ރައީސްގެ މަގާމް ވެސް އަދާ ކުރެއްވި މަޖީދު އަވަހާރަވީ އިރު އެމަނިކުފާނުގެ އުމުރުފުޅުން ވަނީ 55 އަހަރެވެ. އެމަނިކުފާނަކީ ރައީސް މައުމޫން އަބްދުލް ގައްޔޫމް އުފެއްދި ކީރިތި ޤުރުއާނާ ބެހޭ މަރުކަޒުގެ ވެސް ފުރަތަމަ ރައީސް އެވެ.