ފުލުހުން އެކި މައްސަލަތަކުގައި ހޯދަމުން އަންނަ، ޖުޑީޝަލް ސާވިސް ކޮމިޝަން (ޖޭއެސްސީ)ގެ ކުރީގެ މެންބަރު އައިޝަތު ވެލެޒިނީ ރާއްޖެ އައުމުން ފުލުހުން އޭނާ ހައްޔަރުކޮށްފި އެވެ.
ފުލުހުން ބުނީ، ތަހުގީގުކުރަމުންދާ މައްސަލައަކާ ގުޅިގެން ވެލެޒިނީ ހައްޔަރުކޮށްފައިވާ ކަމަށެވެ.
ވެލެޒިނީ ރާއްޖެ އައިސްފައި ވަނީ ރާއްޖެއިން ބޭރުގައި ދިރިއުޅޭތީ ތަހުގީގަށް ހާޒިރު ނުކުރެވިގެން އޭނާ ރާއްޖެ އައުމަށް 14 ދުވަަހުގެ މުއްދަތެއް މިދިޔަ އަހަރު މެއި މަހު ދީފައިވަނިކޮށެވެ. އަދި 14 ދުވަސް ތެރޭގައި ފުލުހަށް ހާޒިރު ނުވެއްޖެ ނަމަ އޭނާއަށް ތުހުމަތު ކުރެވޭ މައްސަލައާ ގުޅިގެން މިހާތަނަށް ހޯދިފައިވާ ހޯދުންތަކާއި ހެކިތަކުގެ މައްޗަށް ބިނާކޮށް ދައުވާ ކުރުމަށް ޕީޖީ އޮފީހަށް ފޮނުވާނެ ކަމަށް ވެސް ފުލުހުން އޭރު ބުނެފައިވެ އެވެ.
ވެލެޒިނީގެ މައްޗަށް ތުހުމަތުކޮށްފައި ވަނީ، އޭނާ އިސްލާމްދީނާ ހިލާފު ވާހަކަތައް ދައްކަވައި ދީނުން ބޭރުވި ތުހުމަތެވެ. ނަމަވެސް މުއްދަތު ފަހަނައަޅާ ދިޔަތާ އަހަރަކަށް ވުރެ ގިނަ ދުވަސް ފަހުން ވެލެޒިނީ ރާއްޖެ އައި އިރު ވެސް އޭނާ ހައްޔަރެއް ނުކުރެ އެވެ. އެކަމާ ގުޅިގެން ފުލުހުންގެ މީޑިއާ އޮފިޝަލަކު ވިދާޅުވީ އެކަމާ ގުޅިގެން ކުރަން ޖެހޭ
މަސައްކަތްތައް ކުރަމުން ދާނެ ކަމަށެވެ.