ދީނަށް ފުރައްސާރަކުރުމުގެ ތުހުމަތުގައި ފުލުހުން ހައްޔަރު ކުރި އައިޝަތު ވެލެޒިނީ މިހާރު ބަންދުން ދޫކޮށްލާފައިވާ ކަމަށް ފުލުހުން ބުނެފި އެވެ.
ވެލެޒިނީ ބަންދުން ދޫކޮށްލާފައިވަނީ، ފުލުހުން ބުނި ގޮތުގައި، އެޑްމިޓްކޮށްގެން ފަރުވާކުރުމަށް ޑޮކްޓަރުން ލަފާދީފައިވާތީ، ފަރުވާގެ ފުރުސަތު އޭނާއަށް ހޯދައިދިނުމުގެ ގޮތުންނެވެ. ބަންދުން ދޫކުރުމަށްފަހު ފުލުހުން ވަނީ ވެލެޒިނީ، އޭނާގެ އާއިލާއާއި ހަވާލުކޮށްފަ އެވެ.
ބަންދުން ދޫކޮށްލާފައިވީނަމަވެސް، އޭނާގެ މައްޗަށް ކުރެވޭ ތުހުމަތުތަކާ ގުޅިގެން ގާނޫނީ ގޮތުން ކުރަންޖެހޭ ކަންކަން ކުރަމުންދާނެ ކަމަށް ވެސް ފުލުހުން ވަނީ ބުނެފަ އެވެ.
ގިނަ ދުވަސްތަކަކަށް ފަހު އިއްޔެ ހެނދުނު ރާއްޖެއަށް އައުމުން ފުލުހުން ވެލެޒިނީ ހައްޔަރުކުރީ، އިސްލާމް ދީނަށް
ފުރައްސާރަވާގޮތަށް ސޯޝަލް މީޑިއާގައި އޭނާ ހިންގަމުންދިޔަ ހަރަކާތްތަކަކާ ގުޅިގެންނެވެ.