މާދަމާއަކީ ސަރުކާރު ބަންދު ދުވަހެއްގެ ގޮތުގައި ރައީސް އިބްރާހިމް މުހައްމަދު ސޯލިހު ހަމަޖައްސަވައިފި އެވެ. މިއީ އެމަނިކުފާނުގެ ފުރަތަމަ ނިންމެވުމެވެ.
މާދަމާއަކީ ސަރުކާރު ބަންދު ދުވަހެއްގެ ގޮތުގައި ނިންމީ ހުވާ ކުރެއްވުމުގެ އުފުލުގައި "ދުޅަހެޔޮ ހަށިހެޔޮ" ކުޅިވަރު އީދު ބޭއްވުމަށް ނިންމާފައިވާތީ އެވެ. އެ ހަރަކާތުގައި ގިނަ ރައްޔިތުންނާއި އާ ސަރުކާރުގެ އިސް ބޭފުޅުން ބައިވެރިވާނެ އެވެ. ރައީސް ސޯލިހު ވެސް ބައިވެރިވެވަޑައިގަންނަވާނެ އެވެ.
ކުޅިވަރުތައް ފެށުމަށް ހަމަޖެހިފައިވަނީ މާދަމާ މެންދުރުފަހު 2:00 ގަ އެވެ. އޭގެ އަނެއް ދުވަހު ވެސް ކުޅިވަރުތައް ކުރިއަށް ދާނެ އެވެ.
އަންގާރަ ދުވަހަކީ ވެސް ސަރުކާރު ބަންދު ދުވަހެކެވެ. އެ ދުވަހަކީ ރަސޫލާގެ އީދުމީލާދެވެ.