ގއ. އަތޮޅުގައި ހަދަމުންދާ ރިސޯޓެއްގައި މަރުވި ބިދޭސީއެއްގެ މައްސަލަ ފުލުހުން ތަހުގީގު ކުރަން ފަށައިފި އެވެ.
ފުލުހުން ބުނީ، މިއަދު 9:30ގައި އެ އަތޮޅުގައި ހަދަަމުންދާ ރިސޯޓެއްގައި މަސައްކަތް ކުރަމުންދިޔަ އިންޑިއާގެ 39 އަހަރުގެ ފިރިހެނަކު މަރުވެފައިވާ މައްސަލަ ތަހުގީގް ކުރަމުންދާ ކަމަށެވެ. އޭނާ މަރުވެފައިވަނީ ހާޓްއެޓޭކެއް ޖެހިގެން ކަމަށާއި އޭނާ ހޮސްޕިޓަލަށް ގެނައި އިރުވެސް މަރުވެފައިވާ ކަމަށް ގއ. އަތޮޅު ހޮސްޕިޓަލާ ހަވާލާދީ ފުލުހުން ބުންޏެވެ.
ފަހަކަށް އައިސް ބިދޭސީންގެ ކުއްލި މަރުތަކުގެ ހާދިސާތައް ވަނީ އިތުރުވެފަ އެވެ. އެގޮތުން އިއްޔެ ވަނީ ހުޅުމާލޭގައި ބިދޭސީއަކު މަރުވެފަ އެވެ.
ހުޅުމާލޭ ރޯ ހައުސްއެއްގެ ޓެރަސްމަތީ ވެސް މީހަކު މަރުވެފައި އޮއްވާ އިއްޔެ ފެނުނެވެ. ފުލުހުން އަންނަނީ އެ ދެ މައްސަލަ ވެސް ތަހުގީގު ކުރަމުންނެވެ.