ހަތް ސަރަހައްދެއްގައި ގަވައިދާ ހިލާފަށް ޕާކް ކުރާ އުޅަނދުތަކުގައި ސްޓިކާ ޖެހަން އަނެއްކާވެސް ފުލުހުން ފަށައިފި އެވެ.
ފުލުހުން ވަނީ މިދިޔަ މަހު ސައިކަލް ތަކުގައި ސްޓިކާ ޖެހުން ހުއްޓާލާފަ އެވެ. އޭގެ ފަހުން ބައެއް ފަރާތްތަކަށް އާންމުންނަށް އުނދަގޫވާ ގޮތަށް ސައިކަލް ޕާކް ކުރާތީ، އެކަމުގެ ޝަކުވާ ވަނީ ވަރަށް ބޮޑުވެފަ އެވެ.
ފުލުހުން ބުނީ، ގަވާއިދާ ހިލާފަށް ޕާކް ކުރާ އުޅަނދުތަކުގެ ސަބަބުން މަގު ބޭނުންކުރާ ފަރާތްތަކަށް އެކަމުގެ ސަބަބުން ދަތިތަކާއި ކުރިމަތިވެ، ޝަކުވާ ބޮޑުވަމުންދާ ކަމަށެވެ. އެހެންވެ މާދަމާއިން ފެށިގެން ހަތް ތަނެއްގައި ގަވާއިދާ ހިލާފަށް ޕާކްކުރާ އުޅަނދުތަކުގައި ސްޓިކާ ޖަހާނެ ކަމަށެވެ.
އެސަރަހައްދުތަކަކީ:
- މިސްކިތްތައް ކައިރި
- ކަފިހުރަސް / ދުވާރު
- މަގު / ގޯޅިތަކުގެ ކަންމަތި
- ސްކޫލްތައް ކައިރި
- ހޮސްޕިޓަލްތައް ކައިރި
- ބޭންކްތައް ކައިރި
- ބޮޑުތަކުރުފާނުމަގުގެ ތާރު އަޅާފައިވާ ސަރައްހަދު
- ފުލުހުންގެ ކޯން އަދި ބެރިކޭޑް ބަހައްޓާފައިވާ ސަރަހައްދު
- ޑަބަލް ލައިން ދަމާފައިވާ ސަރަހައްދުތައް
ރިޔާސީ އިންތިހާބުގެ ކެމްޕެއިންގައި އޭރުގެ ކެންޑިޑޭޓް އަދި މިހާރުގެ ރައީސް އިބްރާހިމް މުހައްމަދު ސޯލިހު ވަނީ ޕާކް ކުރާނެ ނުދައްކާ ޖޫރިމަނާ ކުރަން ސްޓިކާ ނުޖަހާނެ ކަމަށް ވިދާޅުވެފަ އެވެ.