ރޯދަ މަހަށް ހާއްސަކޮށް އެމްސެވަން އިން ސޯޝަލް މީޑިއާގައި ހުޅުވާލި ސުވާލު މުބާރާތުގެ ނަސީބުވެރިޔާ ހޮވައިފި އެވެ.
ރޯދަމަހު އެމް ސެވަން ބުކްޝޮޕާއި އެމް ސެވަން ޕްރިންޓްގެ ފޭސްބުކާއި ޓްވިޓާ ޕޭޖް މެދުވެރިކޮށް ކުރިއަށް ގެންދިޔަ މި ސުވާލު މުބާރާތުގެ ނަސީބުވެރިޔަކު ހޮވާފައިވާނީ އެމްސެވަން ޕްރިންޓްގައި މިދިޔަ ހޮނިހިރު ދުވަހު އެވެ.
މި މުބާރާތުގެ ނަސީބުވެރިޔާ އަށް ދޭން ނިންމާފައި ވަނީ އުމްރާ ދަތުރެކެވެ. މި އިނާމު ކާމިޔާބު ކުރީ ށ. މާއުނގޫދޫ ފާތުމަތު މާޝާ އެވެ.
"މި ސުވާލު މުބާރާތަށް އާންމުންގެ ފަރާތުން ވަރަށް ބޮޑު ތަރުހީބެއް ލިބިގެން ދިޔަ. އިރާދަ ކުރެއްވިއްޔާ ކޮންމެ ރޯދަ މަހެއްގައި ވެސް މިފަދަ މުބާރާތެއް އަޅުގަނޑުމެން އެމް ސެވަން އިން ކުރިއަށް ގެންދާނަން." އެމް ސެވަން ގްރޫޕުގެ މެނޭޖިން ޑިރެކްޓަރު މުހައްމަދު އަބްދުއްސައްތާރު ވިދާޅުވިއެވެ.