އަންނަ މަހު ބާއްވާ "ފާމް އިންޓަނޭޝަނަލް ކަލިނަރީ ޗެލެންޖް" ގެ ވޯކްޝޮޕް މިއަދު ނިންމާލާއިފި އެވެ.
ކެއްކުމުގެ މި އެގްޒިބިޝަނަކީ ރާއްޖޭގެ ރިސޯޓު ތަކުގެ މަސައްކަތް ކުރާ ޝެފުންނަށް ހާއްސަކޮށް ބާއްވާ އެގްޒިބިޝަނެކެވެ. މި އެގްޒިބިޝަންގައި ބައިވެރިވުމުގެ ފުރުސަތު މި މަހުގެ ނިޔަލަށް ވަނީ ހުޅުވާލާފަ އެވެ.
މިއަދު ޗަމްޕާ ސެންޓްރަލް ހޮޓަލްގައި ކުރިއަށް ގެންދިޔަ ވޯކްޝޮޕުގައި އެގްޒިބިޝަންގެ ބައިވެރިން ތަމްރީނު ކުރުމަށް ހަރަކާތްތަކެއް ވަނީ ކުރިއަށް ގެންގޮސްފަ އެވެ. މި އެގްޒިބިޝަންގައި 22 ދާއިރާއަކުން ބާއިވެރިވުމުގެ ފުރުސަތު ހުޅުވާލާފައި ވެއެވެ.
ދިވެހި އެކްސްޕޯ އާއި ސްރިލަންކާގެ ސީޑީސީ އިވެންޓްސް އެންޑް ޓްރެވެލްސް ގުޅިގެން ބާއްވާ މި އެގްޒިބިޝަން އޮންނާނީ މި އަންނަ މަހުގެ 15 އިން 17 އަށް މާލޭގެ ދަރުބާރުގޭގަ އެވެ. މި އިވެންޓުގެ މެއިން ސްޕޮންސަރުންނަކީ ލިލީ އިންޓަނޭޝަނަލް އާއި ނެސްލޭ އެވެ.