ށ. އަތޮޅު ތައުލީމީ މަރުކަޒުގެ ބިޒްނަސް ކްލަބުގެ ހިންގުން ޕަބްލިކް ޕްރައިވެޓް ލިމިޓެޑް ކުންފުންޏަކާއި އެއްގޮތަށް ހިންގަން އެ ސްކޫލުން ނިންމައިފި އެވެ.
އެ ސްކޫލުން މިއަދު ބުުނީ، ކުންފުންޏެއްގެ ދަށުން ދަރިވަރުން ބައިވެރިވެގެން ޕްރޮފިޓް ބޭސްޑް އިވެންޓުތައް ހިންގުމާއި އެ އިވެންޓުތަކުން ލިބޭ ޑިވިޑެންޑް ދަރިވަރުންނަށް ބެހުން ހިމެނޭ ކަމަށެވެ.
ށ. އަތޮޅު ސްކޫލުން ބުނީ، މި އަހަރު ބިޒްނަސް ކްލަބްގެ ފައިދާގެ ގޮތުގައި އެންމެ ފަހުން ހިންގި ހަރަކާތުގެ ފައިދާއިން 100 ރުފިޔާ ކޮންމެ ކުއްޖަކަށް ބަހާނެ ކަމަށެވެ.
ބިޒްނަސް ކްލާހުގެ ހަރަކާތްތައް ކްލާސްރޫމް ތެރެއިން ކުރިއަށް ގެންދަން ގިފްޓް ޝޮޕެއް ހުޅުވޭނެ ކަމަށް ވެސް އެ ސްކޫލުން ބުންޏެވެ. މި ޝޮޕްގައި ތަކެތި ހުންނާނީ އަގުގެ ބަދަލުގައި ޕޮއިންޓުންނެވެ. ދަރިވަރުން ކިޔަވާ ގަޑިތަކުގައި އުނގެނުމާއި އަހްލާގަށް ބެލުމަށްފަހު މުދައްރިސުން ޕޮއިންޓް ދޭ ކާޑެއް ގެންގުޅޭނެ ކަމަށެވެ. މި ކާޑަށް ޕޮއިންޓް ލިބޭ ވަރަށް ބެލުމަށް ފަހު ދަރިވަރުންނަށް ގިފްޓް ޝޮޕުން އެއްޗެހި ގަނެވޭނެ ކަމަށް އެ ސްކޫލުން ބުންޏެވެ.
އެ ސްކޫލުން ބުނެފައިވާ ގޮތުގައި ފުރަތަމަ ފިޔަވަހީގައި ސްކޫލުގައި ކިޔަވާ ހުރިހާ ދަރިވަރުންނަށް ޖުލައި މަހުގެ ތެރޭގައި ބޭންކް އޮފް މޯލްޑިވްސް ފުނަދޫ ބްރާންޗާއި ގުޅިގެން ދަރިވަރުންނަށް "ބީއެމްލް އިސްލާމިކް ކިޑްސް ސޭވާރ އެކައުންޓް" ހުޅުވޭނެ ކަމަށެވެ. ކުދިންނަށް ފަހަށް ރައްކާކުރަން ދަސްކޮށްދިނުމުގެ ގޮތުން ކޮންމެ ދަރިވަރެއްގެ އެކައުންޓަށް ބެލެނިވެރިޔާ ފައިސާ ޖަމާކުރުން ކުރުން ކުރިއަށް ގެންދާނެ ކަމަށެވެ. ބެލެނިވެރިން ފައިސާ ޖަމާކުރޭތޯ ބިޒްނަސް ކްލަބުން ބަލަމުން ދާނެ ކަމަށް އެ ސްކޫލުން ބުންޏެވެ.
ސްކޫލުން ކަނޑައަޅާފައިވާ އުސޫލުގެ ގޮތުން ވަޒީފާގައި އުޅޭ ބެލެނިވެރިޔަކު މަހަކު މަދުވެގެން 500 ރުފިޔާ ޖަމާކުރަން ޖެހެ އެވެ. އަދި ވަޒީފާގެ ނޫޅޭ ބެލެނިވެރިއެއް ނަަމަ މަހަކަ މަހަކު މަދުވެގެން 200 ރުފިޔާ ދަރިވަރުގެ އެކައުންޓަަށް ޖަމާކުރަން ޖެހެއެވެ. އެ ސްކޫލުން ވަނީ ފޯރުންތެރިކަން ނެތް ދަރިވަރުންނަށް ވެސް އިންތިޒާމެއް ހަމަޖައްސާފައެވެ. އެގޮތުން ބިޒްނަސް ކްލަބްގެ ފަރާތުން ފޯރުންތެރިކަން ނެތް ދަރިވަރުންނަށް މަހަކު 200 އަށް ވުރެ މަދުނޫން އަދަދެއް ޖަމާކުރާނެ އެވެ.
އެ ސްކޫލުން ބުނީ މި ބަދަލާއެކު ދަރިވަރުންގެ އުނގެނުމަށް ރަނގަޅު ބަދަލުތަކެއް އަންނާނެ ކަމަށް އުންމީދު ކުރާ ކަމަށެވެ.