ބިޔަ އިންވެސްޓްމަންޓްތައް ގެންނަ ބޭރުގެ އިންވެސްޓަރުން ނަށް ރާއްޖޭގެ ބިން މިލްކް ކުރެވޭ ގާނޫނުގެ ސަބަބުން އަވަށްޓެރި ގައުމުތަކާއި ދިވެހި ރައްޔިތުން ނަށް އެއްވެސް ގެއްލުން ނުވާނެ ކަމުގެ ޔަގީންކަން ރައީސް އަބްދުﷲ ޔާމީން މިއަދު ދެއްވައިފި އެވެ.
ރާއްޖެއަށް ބިޔަ އިންވެސްޓްމަންޓްތައް ގެނައުމަށް ފަރުމާކޮށްފައިވާ ބިދޭސީ އިންވެސްޓަރުންނަށް ރާއްޖޭން ބިން މިލްކުކުރެވޭ ގާނޫނު ތަސްދީގު ކުރެއްވުމަށްފަހު، ރައީސް ޔާމީން ވިދާޅުވީ އެއް ބިލިއަން ޑޮލަރުގެ އިންވެސްޓްމަންޓް ގެންނަ ބިދޭސީ އިންވެސްޓަރުންނަށް ރާއްޖޭން ބިން މިލްކު ކުރެވޭ ގާނޫނުގެ ތަސްދީގު ކުރިނަމަވެސް، އެފަދަ މަޝްހޫރުތައް ކުރިއަށް ދާނީ ރާއްޖޭގެ ގާނޫނު އަސާސީގެ ދަށުން ކަމަށެވެ.
"ގާނޫނު އަސާސީއަށް ގެނައި ބަދަލުން ސަރުކާރަށް މި ހޯދެނީ 1،000 މިލިއަން ޑޮލަރަށް ވުރެ ބޮޑެތި އިސްލާހު ގެނައުމަށް. މި އިސްލާހު ގެނެވޭ ކަމަށްވާނަމަ ސަރުކާރާއި ރައްޔިތުން މަޖިލީހަށް އިހުތިޔާރު ލިބިގެން މިދަނީ. ބިން މިލްކު މި ކުރެވެނީ އިގްތިސާދީ މަސައްކަތް ކުރުމަށް އެކަނި. ބިން މިލްކުރެވެނީ. އެ ސަރަހައްދުގައި މީހުން ވަޒަންވެރި ވާކަން ނޫން. މި މަޝްރޫއަށް ހުއްދަ ނަގައިގެން މަޝްރޫއުތައް ޑިޒައިންކޮށްފައި، މިލްކުވެރި ފަރާތުން ނުކުރެވޭނެ. ނޫނީ އަލުން ޖެހޭނީ ރައްޔިތުން މަޖިލީހަށް ދާން،" ރައީސް ވިދާޅުވި އެވެ.
ރައީސް ޔާމީން ވިދާޅުވީ ރާއްޖޭގެ ސަރަހައްދުގައި ހުންނަ ހުރިހާ ބިމަކީ ދިވެހި ދައުލަތުގެ ބާރުގެ ދަށުގައިވާ ތަންތަން ކަމަށާއި، އެހެންކަމުން އެ ތަންތަނުގައި ފައްޅި ނޭޅޭނެ ކަމަށެވެ.
"ރާއްޖޭގެ ގާނޫނު އަސާސީ ބުނަނީ ރާއްޖޭގެ ސަރަހައްދުގައި ހުރި ބިމަށް ދައުލަތުގެ ބާރުގެ ދަށުގައި ކަމަށް. ބިން އަމިއްލަ ކުރުމުން ދައުލަތުގެ ބާރު ކެނޑިގެން ނުދާނެ. ސިޔާދަތީ ބާރު ކެނޑިގެން ނުދާކަމަށްވާނަމަ އެ ބިމުގައި ޖުވާ ކުޅޭ ތަންތަނެއް ނޭޅޭނެ،" ރައީސް ވިދާޅުވި އެވެ.
ރައީސް ޔާމީން ވިދާޅުވީ މި ގާނޫނުގެ ސަބަބުން ރާއްޖެއާ އަވަށްޓެރި ގައުމުތަކާ ދެމެދު އޮންނަ ގުޅުމަށް އެއްވެސް އަސަރެއް ނުކުރާނެ ކަމަށެވެ.
" އަވަށްޓެރި ގައުމުތަކާ އަޅުގަނޑުމެންނާ އޮންނަ ގުޅުމަކަށް މީގެން ބަދަލު އަންނާކަށް އަމުދުން ނުޖެހޭ. ސަރުކާރުން ނިންމާފަ އެ އޮތީ އިންޑިޔާ ކަނޑައަކީ މިކަހަލަ ކަންތައްތަކުން ސަލާމަތް ވެގެން އޮތް ސަރަހައްދަކަށް ހެދުމަށް. އިންޑިޔާ ކަނޑަކީ ޑީ-މިލިޓަރައިޒް ކަނޑެއްގެ ގޮތުގައި ބޭއްވުމަށް ދިވެހި ސަރުކާރުން ވަނީ އިންޑިޔާ ސަރުކާރަށް ވެސް އަވަށްޓެރި ގައުމުތަކަށް ވެސް މި ޔަގީންކަން ދީފައި. އެހެންވެ ފްރީހޯލްޓްގެ ގޮތުގައި ދިނުމުން ނެތް ހާރިޖީ ސިޔާސަތަށް ބަދަލެއް ނާދެ،" ރައީސް ވިދާޅުވި އެވެ.