އަންނަ މަހު ފަށާ މިނިވަން 50 ފުޓްބޯޅަ ޗެމްޕިއަންޝިޕުގައި 78 ރަށަކުން ބައިވެރިވާން ހުށަހަޅައިފި އެވެ.
ނަމަވެސް މީގެ ތެރެއިން މައުލޫމާތު ފުރިހަމަ ނުވާ ރަށްތައް ބައިވެރިނުކުރަން އެފްއޭއެމުން ވަނީ ނިންމައިފަ އެވެ.
އެފްއޭއެމުން ބުނީ މި މުބާރާތަށް މިހާތަނަށް 88 ރެފްރީން ތަމްރީނު ކުރެވިފައިވާ ކަމަށެވެ.
ފައިނަލް ބުރުން ފެށިގެން ދަތުރު ހަރަދާއި އެނޫން ވެސް ގިނަ ހަރަދުތައް އެފްއޭއެމުން ދީގެން ބާއްވާ މުބާރާތެވެ. އަދި މުބާރާތް ބާއްވަން އެދޭ ރަށްތަކުން ޗޭންޖިން ރޫމާއި ފާހާނާ ބަރިއަކާއި ރޮސްޓަމެއް ރަށުގައި ގާއިމް ކުރަންޖެހެ އެވެ.
އެފްއޭއެމުގެ ޖެނެރަލް ސެކްރެޓަރީ ބައްސާމް އަދީލް ޖަލީލް ވިދާޅުވީ މި މުބާރާތަކީ އަތޮޅުތަކުގައި އަލުން ފުޓްބޯޅަ ފޯރި ނެގުމަށް މުހިންމު މުބާރާތަކަށްވާނެ ކަމަށާއި އެފްއޭއެމުން މުބާރާތާ ދިމާކޮށް ގިނަ ހަރަކާތްތަކެއް ކުރިއަށް ގެންދާނެ ކަމަށެވެ.
އަތޮޅު މުބާރާތް މި ފަހުން ބާއްވާފައިނުވަނީ ފައިސާގެ ދަތިތަކާހުރެ އެވެ.