އިންޑިއަން އޯޝަން އައިލެންޑް ގޭމްސްގެ ވޮލީބޯޅަ މުބާރާތުގެ ތިން ވަނަ ހޮވަން ކުޅުނު މެޗުގައި މިއަދު މޮރިޝަސްއަތުން ސީދާ ތިން ސެޓުން ބަލިވެ، ރާއްޖެ އަށް މެޑަލް ހޯދުމުގެ ފުރުސަތު ގެއްލިއްޖެ އެވެ.
ސެމީ ފައިނަލުގައި އިއްޔެ ރިޔޫނިއަން އަތުން ސީދާ ތިން ސެޓުން ބަލިވި ރާއްޖޭގެ ޓީމަށް މި މެޗުގައި ވަރުބަލިކަން ވަރަށް ބޮޑަށް އިހުސާސްކުރަންޖެހުނެވެ.
މުބާރާތުގެ ސެމީ ފައިނަލުގައި ރާއްޖެ އިއްޔެ ރިޔޫނިއަން އަތުން ބަލިވިއިރު ފުރަތަމަ ސެޓު ގެއްލުނީ 17-25 އިންނެވެ. ރާއްޖެ އެންމެ ބޮޑަށް ވާދަކުރި ދެ ވަނަ ސެޓު ގެއްލުނީ 25-27އިންނެވެ. ގިނަ އަދަދަކަށް ފްރާންސަށް އުފަން ކުޅުންތެރިން ހިމެނޭ ޓީމު އަތުން ފަހު ސެޓުގައި ރާއްޖެ އަށް ލިބުނީ 13 ޕޮއިންޓެވެ.
މި މުބާރާތުގެ ފައިނަލްގައި ކުޅެނީ ސީޝެލްސް އާއި ރިޔޫނިއަން އެވެ.