އިންޑިއަން އޯޝަން އައިލެންޑް ގޭމްސްގައި އިންޑިވިޖުއަލްކޮށް އިވެންޓްގައި ވާދަކޮށް ރަން މެޑަލް ހޯދި އެތުލީޓް، ހަސަން ސާއިދަށް 250،000ރ. ، ރިހި މެޑަލް ހޯދި ކޮންމެ އެތުލީޓަކަށް 100،000 ރުފިޔާ ދެއްވާ ގޮތަށް ރައީސުލް ޖުމްހޫރިއްޔާ ނިންމަވައި އެ އެފައިސާ މިއަދު ދެއްވައިފި އެވެ.
ރައީސްގެ މި ނިންމެވުމާއެކު ސާއިދަށް ޖުމްލަ 350،000ރ މިއަދު ލިބުނެވެ. އެއީ ސާއިދު ވަނީ ރަން މެޑަލްގެ އިތުރުން މުބާރާތުގައި ސާއިދު ވަނީ 200 މީޓަރުން ރިހި މެޑަލް ހޯދައިފަ އެވެ. ދެން މިއަދު ފައިސާގެ އެންމެ ބޮޑު އިނާމެއް ލިބުނީ ބެޑްމިންޓަން ކުޅުންތެރިޔާ މުހައްމަދު އަޖުފާން ރަޝީދަށެވެ.
މީގެ އިތުރުން އިންޑިވިޖުއަލްކޮށް ލޯ މެޑެލި ހޯދި ކޮންމެ ކުޅުންތެރިޔަކަށް 20،000ރ. އާއި ޓީމް އިންވެންޓް ގައި ރަން މެޑަލި ހޯދި ކުޅުންތެރިންނަށް 35،000ރ. ރިހި މެޑަލް ހޯދި ޓީމްތަކުގެ ކޮންމެ ކުޅުންތެރިޔަކަށް 25،000ރ. އަދި ލޯ މެޑަލް ކުޅުންތެރިންނަށް 15،000ރ. ވެސް ރައީސް ވަނީ ދެއްވާފައެވެ.
ރައީސްގެ އެ ނިންމެވުން މިއަދު އިއުލާންކޮށް ދެއްވީ ގޭމްސްގައި ބައިވެރިވި އެތުލީޓުންނާއި ކުޅުންތެރިންނާއި އޮފިޝަލުން މިއަދު މާލެ އައުމުން ރައީސް އަބްދުﷲ ޔާމީން ދެންނެވި މަރުހަބާއަށްފަހު ރައީސް އޮފީހުގައި ބޭއްވި ރަސްމިއްޔާތެއްގަ އެވެ.
އެ ރަސްމިއްޔާތުގައި ފައިސާގެ އިނާމު ހަވާލުކޮށް ދެއްވީ ޔޫތު މިނިސްޓަރު އަހުމަދު ޒުހޫރެވެ.
އިންޑިއަން އޯޝަން އައިލެންޑް ގޭމްސްއިން ރާއްޖެ 10 ކުޅިވަރެއްގައ މިފަހަރު 12 ޓީމު ބައިވެރިކޮށް ވަނީ 8 މެޑަލް ހޯދައިފަ އެވެ. އެއީ އެއް ރަންމެޑަލް އާއި ދެ ރިހިމެޑަލް އާއި ފަސް ލޯ މެޑަލް އެވެ. ރަންމެޑަލް ހޯދީ ދުވުމުގެ 100 މީޓަރު ރިލޭއިން ހަސަން ސާއިދެވެ. އޭނާ ވަނީ ދުވުމުގެ 200 މީޓަރުން ރިހިމެޑަލް ވެސް ހޯދައިފަ އެވެ. ދެން ރިހިމެޑަލް ހޯދީ ބެޑްމިންޓަން ޓީމެވެ.