ފުރަތަމަ ފަހަރަށް ބާއްވާ ސާފް ޗެމްޕިއަންޝިޕް 19 އަހަރުން ދަށުގެ ފުޓްބޯޅަ މުބާރާތުގައި ރާއްޖެ އާއި އިންޑިއާ އަދި އަފްގާނިސްތާން އެއް ގްރޫޕެއްގައި ހިމެނިއްޖެ އެވެ.
މި މަހުގެ 20 ވަނަ ދުވަހު ނޭޕާލުގައި ފަށާ މުބާރާތުގައި މި ތިން ގައުމު ހިމެނެނީ ގްރޫޕް ބީގަ އެވެ. އޭ ގްރޫޕުގައި ހިމެނެނީ ނޭޕާލާއި ބަނގްލަދޭޝް އަދި ބޫޓާނެވެ.
ސާކުގެ އަށް ގައުމުގެ ތެރެއިން މި މުބާރާތުގައި ބައިވެރިނުވަނީ ސްރީލަންކާ އާއި ޕާކިސްތާނެވެ. ޕާކިސްތާން ބައިވެރި ނުވީ އެ ގައުމުގެ ފެޑަރޭޝަނުގެ އެތެރޭގެ ކޯޅުންތަކާހެދި އެވެ. ލަންކާ ބައިވެރިނުވި ސަބަބެއް ނޭނގެ އެވެ.
ނޭޕާލް ހިމެނުނު ގްރޫޕާބެހޭ ގޮތުން އެ ގައުމުން ބުނީ މިއީ ފަސޭހަ ގްރޫޕެއް ކަމަށެވެ.