މެދުކަނޑާލާފައިވާ އުރީދޫ ދިވެހި ޕްރެމިއާ ލީގު އަންނަ މަހު އަށެއްގައި ޗައިނާއާ ދެކޮޅަށް ކުޅޭ ވޯލްޑް ކަޕް ކޮލިފައިން މެޗަށް ފަހު ސެޕްޓެމްބަރު 15 ގައި ފެށުމަށް އެފްއޭއެމުން ނިންމައިފި އެވެ.
ކޮންމެ ޓީމެއް ހަ މެޗު ކުޅުނު ފަހުން މި އަހަރު ދެ ވަނަ ފަހަރަށް ލީގު މެދުކަނޑާލީ މި މަހުގެ 1-އިން 8 އަށް ރިޔޫނިއަންގައި ބޭއްވި އިންޑިއަން އޯޝަން އައިލެންޑް ގޭމްސްގައި ގައުމީ ފުޓްބޯޅަ ޓީމު ކުޅޭތީ އާއި މިނިވަން 50 ގެ ކުޅިވަރުތައް ގަލޮޅު ދަނޑުގައި ބޭއްވުމަށެވެ.
އަދި އެ މުބާރާތަށް ފަހު ލީގު އަލުން ފަށަން އޮތީ އޮގަސްޓް 15ގަ އެވެ. ނަމަވެސް ލީގު ފެށޭގޮތް ނުވެފައިވަނީ މިނިވަން 50 ގެ ކުޅިވަރުތައް ގަލޮޅު ދަނޑުގައި ބޭއްވައިނުމުނުއިރު ދަނޑުގެ ވިނަގަނޑު މުޅިންހެން ހަލާކުވެފައިވާތީ އެވެ.
ގިނަގިނައިން ލީގު މެދުކަނޑާލަން ޖެހޭތީވެ މީގެ ކުރިން ކޯޗުންނާއި ކުލަބުތަކުން ވަނީ ހިތްހަމަނުޖެހުން ފާޅުކޮށްފަ އެވެ.
ލީގު މެދުކަނޑާލިއިރު އެއްވަނާގައިވަނީ އެންމެ ފަހުގެ ޗެމްޕިއަން ނިއު ރޭޑިއަންޓެވެ.