މިނިވަން 50 ކުލަގަދަ ހަރާކަތައް ކުލަގަދަކަޮށް ފާހަގަކުރާއިރު މުޅި ރާއްޖެ ޝާމިލްވާގޮތައް ހިނގާ އެންމެ ބޮޑު ހަރަކާތައްކަށް ވެގެންދާނީ މިނިވަން 50 ޗެންޕިއަންޝިޕްކަން ޔަގީންނެވެ. ކުރިން ކުޅެމުން އައި އަތޮޅު މުބާރާތް ރީބްރޭންޑް ކޮށް ބަދަލުތަކާއެކު މިމަހުގެ 15 ގައި ފެށުމަށް އަންނަނީ ތައްޔާރުވަމުންނެވެ.
މިމުބާރާތުގައި މުޅިރާއްޖެއިން 79 ޓީމެއް ވަނީ ބައިވެރިވެފައެވެ. މުބާރާތައް އެކި ސަރަހައްދުތަކުން އެކިޓީމުތައް އަންނަނީ ތައްޔާރުވަމުންނެވެ. އެގޮތުން އަތޮޅު މުބާރާތު ރަސްގެފާނު ކަމަށްވާ ގދ. ތިނަދޫ ވެސް މިފަހަރުގެ މުބާރާތުން ފެނިގެންދާ އެއްޓީމެވެ. ތިނަދޫ އަކީ އެކިގޮތް ގޮތުން މުބާރާތަށް ހާއްސަ ޓީމެކެވެ. އަތޮޅު ފުޓްބޯޅަ މުބާރާތުގެ އެންމެ ކާމިޔާބު ޓީމަކީ ތިނަދޫ ބުނުން ދޮގަކަށް ނުވާނެއެެވެ. އިސްމާއިލް މުހަންމަދު ، އެންޑީ ، ހަމްޒަތު ފަދަކުޅުންތެރިންނަކީ ތިނަދޫއިން ވިދާލުމަށް ފަހު ފުރަތަމަ ޑިވިޝަން ކުލަބްތައްކަށް ކުޅުނު ކުޅުންތެރިންނެވެ.
ތިނަދޫ މިފަހަރުގެ މިނިވަން 50 މުބާރާތާއި ކުރިމަތިލާއިރު ތިނަދުއަށް ވެސް ވަރަށް ހާއްސަ މުބާރާތަކަށް ވެގެންދެއެވެ. ކުރީގެ ރައީސް އިބްރާހިމް ނާސިރުގެ ވެރިކަމުގައި ތިނަދޫން މީހުން ބޭލުމަށް ފަހު އަލުން އާބާދުވީތާ 50 އަހަރު ފުރޭނީ އަންނަ އަހަރުގެ އޯގަސްޓް މަހުގެ 22 ވަނަ ދުވަހުގަވެ. މިފަހަރު މުބާރާތުގެ ފުރަތަމަ މެޗު ތިނަދޫއިން ފަށާނީ ރަށަށް އާބާދުވިތާ 49 އަހަރުފުރޭދުވަހު މިމަހުގެ 22 ވަނަދުވަހުވެ.
ތިނަދޫ ކައުންސިލުން އަވަސް އަށް މައުލޫމާތު ދިންގޮތުގައި މިމެޗް ވެގެންދާނީ "އާބާދީ 50" ދޮންކުރުމުގެ ތައްޔާރީތަކުގެ ފެށުމަށެވެ.
ތިނަދޫއިން ވަނީ ފާއިތުވެގެންދިޔަ އަތޮޅުމުބާރާތް ތަކުގައި ހުނިރުވެރި މޮޅެތި ކުޅުންތެރިންތަކެއް ގޮލޮޅުދަނޑަށް ނެރެދީފައެވެ. އެގޮތުން 1998 ، 1999 ، 2000 ވަަނައަހަރު ތިނދޫއަށް ތަށި ގެންގޮސް އެމީހުންގެ މިލްކަކަށް ވެސް ހެދި ޒަމާންފާއިތުވެއްގެން ހިއްގައްޖެއެވެ. މި މުބާރަތަށް ތިނަދޫއިން ވަނީ މީން ޒަމާނެއްގެވެސް ތިނަދޫން ސުކޮޑެއް ނުނާގާހާ ވަރުގަދަސުކޮޑެއް ނަގާފައެވެ.
"ސުކޮޑް ނެގުމުގައި ބެލީ ވީހާވެސް ގިނަކުޅުންތެރިން ބައިވެރި ކުރެވޭތޯ މީއީ ތިނަދޫއިން އެންމެ ބޮޑު ސުކޮޑެއް ނެގިފަހަރު" ތިނަދޫ ޓީމުގެ ހިމެނޭ އެންމެ ތަޖުރިބާކާރު ކުޅުންތެިޔާ އަދި ތިނަދޫ ކައުންސިލް މެންބަރު ސައުދު އަލީ ބުންޏެވެ.
އޭނާ ބުނި ގޮތުގައި މިއީ ފަސްއަހަރުގެ ތެރޭގައި ތިނަދޫން އެންމެ ރަނގަޅަށް ތައްޔާރުވެގެން މުބާރަތަކަށް ނުކުންނަ ފުރަތަމަ ފަހަރެވެ. ދެ 50 އެއްކޮލައިގެން އީދަކަށް ތިނަދޫ ތައްޔާރުވަމުން އަންނައިރު ފާހަގަވެގެންދަނީ މިއީ 100 ޕަސެންޓް ތިނަދޫވަންތަ ޓީމެއްކަމެވެ. ކުރީގެ މުބާރާތްތަކުގައި ތިނަދޫގެ ޓީމްތަކުން ބޭނުންކޮއްފަވާނީ ބިދޭސީ އަދި މާލޭ ކޯޗުންނެވެ. އެހެން ނަމަވެސް އެއާ މުޅިން ހިލާފަށް މިފަހަރު ޓީމުގެ ކޮންމެ ދިމާލަކުންވެސް ފެނިގެން ދާނީ ތިނަދޫގެ މޫނުތަކެވެ.
ޓީމުގެ ކޯޗިން ސްޓާފުންގެ ތެރެއިން އިބްރާހިީމް ޝާހް އަދި މުހަންމަދު ސާމިރަކީ ތިނަދޫ ކުރީގެ ދެކެޕްޓަނުންނެވެ. އެކުގައި ގިނަދުވެސްތަކެއްވަންދެން ކުޅުމަށް ގިނަ ކާމިޔާބީތަކެއް ހޯދި މިދެ ޕްރީލައިސަންސް ކޯޗުންނަށް އެހީތެރިވެދެނީ ތިނަދޫގެ ކުރީގެ މައްޝޫރު ކުޅުންތެރިޔާ އަހުމަދު ޝަފީގެއެވެ.
ތިނަދޫ ޓީމު މުބާރާތައް ނުކުންނަނީވެސް އަޒުމަކާއެކުއެވެ. ސައުދު ބުނިގޮތުގައި ތިނަދޫ ފުޓްބޯޅައިގެ ރަންޖީލަކަށް ފަހު މި ޖީލުގެ ޒުވާން ކުޅުންތެރިން މަސައްކަތް ކުރާނީ ކުރީގެ ކުޅިންތެރިން ދިޔަމަގުން މުބާރާތުން ހުނަރުވެރި ކުޅުމެއްދައްކާ ފުރަތަމަ ޑިވަޝަންގެ ކުލަބްތަކުންނާ ގައުމީ ޓީމުން އެކުޅުންތެރިން ޖާގަ ހޯދުމެވެ. މުބާރާތުގެ ފުރަތަމަ ބުރުގެ ޗެންޕިއަންލިބޭނެކަން 99 ޕަސެންޓްގެ ޔަގީންކަމެއް އެބައޮތް ކަމަށްވެސް އޭނ ބުންޏެވެ.
ތިނަދޫ ޓީމުގެ ކުޅުންތެރިން އިތުބާރާއެކު މުބާރާތާ ކުރިމަތިލާއިރު ތިނަދޫގައި ވަނީ ފުޓްބޯޅައި ވަރަށް ވަރުގަދަ ރޫހެއް ހިއްޕާލަފައެވެ. ތިނަދޫ ވިޔަފާރިވެރިން ދަނީ ޓީމަށްޓަކައި އަތްމަތި ހުސްކޮލަން ތައްޔާރުވަމުންނެވެ. ހޮޔޮއެދޭ ރައްޔަތުން ތިބީ ޓީމާއެކު ޓީމުގެ ފަހަތުގައެެވެ. މުޅިޓީމުގެ ރޫހުވަނީ ސީދާ ތައްޓަށެވެ. ތިނަދޫ މީހުން ބުނާނަނީ "މިކަލެ މީބޫ ތެނަދޫ ތައްޓެކެ"