ގައުމީ ފުޓްބޯޅަ ޓީމު މެނޭޖަރު ކަމުން މުހައްމަދު ލަތީފް ވަކިކޮށްފި އެވެ.
އޭނާ މެނޭޖަރުކަމުން ވަކިމިކުރީ ގައުމީ ޓީމުގެ ކޯޗުގެ މަގާމުގައު ހުރި ނިއުގެ ކުރީގެ ކޯޗު ބަލްގޭރިޔާގެ ވެލީޒާ ޕޮޕޯފްގެ އަހުލާގީ މައްސަލަތަކަކާ ހުރެ މަގާމުން ވަކިކުރިތާ ތިން ދުވަސް ފަހުންނެވެ.
ނަމަވެސް ލަތީފް މަގާމުން ވަކިކުރި ވަކި ސަބަބެއް އެފްއޭއެމުން ނުބުނެ އެވެ. އެކަމަކު އޭނާ ވެސް ހިމެނޭގޮތަށް އެފްއޭއެމުން ކުޅުންތެރިންނާ މުއާމަލާތްކުރަން ހަދާފައިވާ ވައިބާ ގްރޫޕުގައި ކޯޗު ވަނީ ބަދުއަހުލާގީ ފޮޓޯ އާއި ވާހަކަތައް ލިޔެހަދައިފަ އެވެ.
ލަތީފް އަށް މެނޭޖަރުކަން ދިނީ މި އަހަރުގެ ފުޓްބޯޅަ ސީޒަން ފެށުމުގެ ކުރިން ބޭއްވި ޕީޕަލްސް ކަޕް ފެށުމުގެ ކުރިން ބޭއްވި ހާއްސަ ރަސްމިއްޔާތުގަ އެވެ.
ގައުމީ ޓީމަށް އާ މެނޭޖަރަކު ހޯދަން ފަށާފައިވާއިރު، ކޯޗަކު ހަމަޖެހެންދެން ޓީމު ހަވާލުކޮށްފައިވަނީ އެސިސްޓެންޓް ކޯޗު އިސްމާއީލް މަހުފޫޒް (އިންމަ)އާ އެވެ. އަންނަ މަހު ޗައިނާއާ ދެކޮޅަށް ވޯލްޑް ކަޕް ކޮލިފައިންގައި ޓީމަށް ކޯޗުކޮށްދޭނީ ވެސް އިންމަ އެވެ.