މިދިޔަ އަހަރުގެ އެންމެ މޮޅު ފެތުންތެރިންނަށް ނިޝްވާން އިބްރާހީމާއި އާމިނަތު ޝަޖަން ހޮވައިފި އެވެ.
މި ދެ ފެތުންތެރިންނަށް އިނާމް ދެއްވީ ރޭ ބޭއްވި ސްވިމިން އެސޯސިއޭޝަނުގެ އެވޯޑް ނައިޓްގައި ކޮމިޝަނާ އޮފް ޕޮލިސް ހުސައިން ވަހީދެވެ.
އެންމެ މޮޅު އަންހެން ފެތުންތެރިޔާ އަށް ޝަޖަންއާ އެންމެ ގާތުން ވާދަކޮށް ދެ ވަނަ ހޯދީ އާމިނަތު ސާޖިނާ އެވެ. ތިން ވަނަ އަށް ދިޔައީ ފާތިމަތު ޒުހުރާ އިސްމާއީލް އާއި އައިޝަތު އަންހާ ހައިޝަމެވެ.
އެންމެ މޮޅު ފިރިހެން ފެތުންތެރިންގެ މަގާމަށް ވާދަކޮށް ދެ ވަނަ ލިބުނީ މުބާލް އައްޒާމަށެވެ. ތިންވަނަ މުހައްމަދު ނައްވާރަށެވެ.
ޖޫނިއާ ފެތުންތެރިންގެ ތެރެއިން އެއްވަނަ ފިރިހެން ފެތުންތެރިއަކީ މުހައްމަދު އައްޒާމެވެ. އަންހެން އެއްވަނަ ފެތުންތެރިއަކީ އަންމާއު އަހުމަދު ސަލީމެވެ.