ޗެލްސީގެ ކޯޗު ހޯސެ މޮރީނިއޯގެ ކޯޗުކަމުގައި ކެޕްޓަން ޖޯން ޓެރީ ފުރަތަމަ ފަހަރަށް ބެންޗަށް ބަދަލުކޮށްފި އެވެ.
މޮރީނިއޯ އޭނާގެ ކެޕްޓަން ބެންޗަށް ބަދަލުކުރީ ޕްރެމިއާ ލީގުގައި ރޭ މެންޗެސްޓާ ސިޓީ އަތުން 3-0އިން ބަލިވި މެޗުގެ ދެ ވަނަ ހާފު ފެށުމުގެ ކުރިންނެވެ. ނަމަވެސް މި ނިންމުން ދިފާއު ކުރަމުން މޮރީނިއޯ ބުނީ މިއީ ޓެކްޓިކަލް ބަދަލެއް ކަމަށާއި ފުރަތަމަ ހާފަށް ފަހު އޭނާ އަށް ގާބޫލުކުރެވުނީ ޓެރީގެ ބަދަލުގައި ޒޫމާ ދަނޑަށް ނެރެން ޖެހިއްޖެ ކަމަށެވެ. މޮރީނިއޯގެ ކޯޗުކަމުގައި ޓެރީ ވަނީ ބަދަލުކުރުމެއްނެތި މިހާތަނަށް 176 މެޗު ކުޅެފަ އެވެ.
"އަހަރެން ބުނަން ޖެހެނީ އޭނާ ޗޭންޖިން ރޫމުގައި ނުނަށައޭ. އަދި އޭނާގެ ފަރާތުން އެއްވެސް ހިތްހަމަނުޖެހުމެއް ފެނިފައެއްނެތް،" މޮރީނިއޯ ބުންޏެވެ.