މެޖިސްޓްރޭޓުން ހޯދަން އަލުން އިއުލާންކޮށްފި

ސާދަ މެޖިސްޓްރޭޓް ކޯޓެއްގެ މެޖިސްޓްރޭޓް ކަމަށް ކުރިމަތިލުމުގެ ފުރުސަތު ޖުޑީޝަލް ސާވިސް ކޮމިޝަން (ޖޭއެސްސީ) އިން ހުޅުވާލައިފި އެވެ.

ޖޭއެސްސީއިން މީގެ ކުރިން ވެސް އެ ކޯޓުތަކަށް މެޖިސްޓްރޭޓުން ހޯދަން އިއުލާން ކުރި އެވެ. ނަމަވެސް ޖޭއެސްސީއިން ބުނީ މުއްދަތު ހަމަވިއިރު އެކަމަށް އެކަށީގެންވާ މީހުން ކުރިމަތިލާފައި ނުވާ ކަމަށެވެ. އެހެންވެ އިއްޔެ ބޭއްވި ޖޭއެސްސީގެ ބައްދަލުވުމުގައި އަލުން އިއުލާން ކުރުމަށް ނިންމީ އެވެ.

ޖޭއެސްސީއިން މިއަދު ނެރުނު އިއުލާނެއްގައި ބުނީ މެޖިސްޓްރޭޓް ކަމަށް ޝައުގުވެރިވާ ޝަރުތު ހަމަވާ ފަރާތްތަކުން މިމަހުގެ 28 ވަނަ ދުވަހުގެ ކުރިން ކުރިމަތިލުމަށް އެދޭ ކަމަށެވެ.

ޖޭއެސްސީ ހުޅުވާލާފައިވަނީ ތިން ރަށެއްގެ މެޖިސްޓްރޭޓަކަށް ކުރިމަތިލުމަށާއި 11 ރަށެއްގެ އިސް މެޖިސްޓްރޭޓަކަށް ކުރިމަތިލުމަށެވެ.

މެޖިސްޓްރޭޓުން ބޭނުވާ ރަށްތައް

އިސް މެޖިސްޓްރޭޓުން ބޭނުންވާ ރަށްތައް

މެޖިސްޓްރޭޓެއްގެ އަސާސީ މުސާރަ އާއި އެލެވެންސްގެ ގޮތުގައި 23،150 ރުފިޔާ ލިބޭއިރު އިސް މެޖިސްޓްރޭޓެއްގެ އަސާސީ މުސާރަ އާއި އެލެވެންސްގެ ގޮތުގައި 25،600 ރުފިޔާ ލިބޭނެ ކަމަށް ޖޭއެސްސީއިން ބުނެ އެވެ.