ސަފާރީއެއްގައި ތިބި ބަޔަކަށް، އެ ސަފާރީގެ ވެރި މީހާ ބިރު ދެއްކި ކަމުގެ ތުހުމަތުގައި އޭނާ ހައްޔަރުކޮށްފި އެވެ.
ފުލުހުން މިރޭ ބުނީ މިއަދުގެ ހަވީރުގެ ވަގުތެއްގައި އދ. ދިއްދޫ ކައިރީގައި އަޅާފައި އޮތް ސަފާރީއެއްގައި ތިބި ބަޔަކަށް، އެ ސަފާރީގެ ވެރިމީހާ މަސްތުގެ ހާލަތުގައި ހުރެ، ބިރު ދައްކަމުންދާ ކަމުގެ މައުލޫމާތު ފުލުހުންނަށް ލިބުނު ކަމަަށެވެ. މި މައުލޫމާތު ލިބުމާއެކު ފުލުހުން އެ ސަފާރީއަށް ގޮސް އެ މީހާ ހައްޔަރުކޮށްފައިވާ ކަމަށް ވަނީ ބުނެފައެވެ.
އެއީ އުމުރުން 47 އަހަރުގެ ދިވެހި ފިރިހެނެކެވެ.
މައްސަލައިގެ އިތުރު ތަފްސީލެއް ހާމަނުކޮށް ފުލުހުން ބުނީ އެ މައްސަލަ އިތުރަށް ބަލާ ތަހުގީގު ކުރަމުންދާ ކަމަށެވެ.