"ޔޫއައި ހޮޓެލްސް" އަށް ދިވެހި އިންޝުއަރެންސުން އެއް މިލިއަން ޑޮލަރުގެ އިންޝުއަރެންސް ކަވަރޭޖެއް ދީފި އެވެ.
ދިވެހި އިންޝުއަރެންސުގެ ހެޑް އޮފް މާކެޓިން އެންޑް ބިޒްނަސް ޑިވްލޮޕްމަންޓް އައިމިނަތު ޝާޔާން ވިދާޅުވި ގޮތުގައި ލައިބިލިޓީ އިންޝުއަރެންސުގެ މި ޕެކޭޖުން ގެސްޓުންނަށް ވެސް ރައްކާތެރިކަން ލިބިގެންދާނެ ކަމަށެވެ.
ކޯޕަރޭޓްސް މޯލްޑިވްސް އަށް ޔޫއައި ހޮޓެލްސްގެ އަހުމަދު ނާސިހު ވިދާޅުވެފައިވާ ގޮތުގައި ޓޫރިސްޓުންނަށް ރާއްޖެއަކީ ރައްކާތެރިތަނެއްކަން ޔަގީންވާން ޖެހޭ ކަމަށެވެ. އަދި އެ ގެސްޓްހައުސްއަށް އަންނަ ގެސްޓް މީހާއަށް ރައްކާތެރިކަން ދިނުމަކީ އެ ތަނުގެ ފުރަތަމަ ޕްރިޔޯރިޓީ ކަމަށް އޭނާ ވިދާޅުވި އެވެ.
ޔޫއައި ހޮޓެލްސްއަކީ ހުޅުމާލޭގައި ހިންގާ ގެސްޓްހައުސް އެކެވެ. މި ގެސްޓްހައުސްއަކީ ބޭރުން އަންނަ ގިނަ ބައެއްގެ މެދުގައި މަގުބޫލު ތަނެކެވެ.