ވަގަށް ނަގާފައިވާ 14،000 ރުފިޔާއާއެކު މީހަކު ހައްޔަރުކޮށްފި އެވެ.
ފުލުހުން ބުނީ މިއަދު ގަލޮޅު ޕޮލިސް މާލެތެރެ ޕެޓްރޯލް ކުރަމުންދިޔައިރު މަޖީދީމަގުން މީހެއްގެ އަމަލުތައް ހުރި ގޮތުން ހުއްޓުވާ ބަލާ ފާސްކޮށްފައިވާ ކަމަށެވެ. އޭނާ ބަލާފާސްކުރިއިރު ވަގަށް ނަގާފައިވާ ކަމަށް ބެލެވޭ 14،000 ދިވެހި ރުފިޔާ ފެނިފައިވާ ކަމަށެވެ.
އެއީ އުމުރުން 33 އަހަރުގެ ދިވެހި ފިރިހެނެއް ކަމަށް ފުލުހުން ބުނެއެވެ.
ފުލުހުން ދަނީ އެ މައްސަލަ އިތުރަށް ބަލަމުންނެވެ.