ސްޕޯޓްސް އެރީނާ ޕްރޮޖެކްޓްގެ ދަށުން 22 ރަށެއްގައި ފުޓްސަލް ދަނޑު އަޅައި 82 ރަށެއްގައި ބަށި ކޯޓް އަޅަން އެމްއާރްޑީސީއާ ހަވާލުކޮށްފި އެވެ.
މި އެއްބަސްވުމުގައި ޔޫތު މިނިސްޓްރީ އާއި އެމްއާރްޑީސީން ސޮއި ކުރީ މިއަދު ގަލޮޅު ބޯޅަ ދަނޑުގައި ބޭއްވި ރަސްމިއްޔާތެއްގަ އެވެ. އެއްބަސްވުމުގައި ސަރުކާރުގެ ފަރާތުން ސޮއި ކުރެއްވީ މިނިސްޓަރު އަހުމަދު ޒުހޫރު އެވެ. އެމްއާރްޑީސީން ސޮއި ކުރެއްވީ މެނޭޖިން ޑިރެކްޓަރު އިބްރާހިމް ނަޒީމެވެ. މިމަސައްކަތްތައް ހަވާލު ކުރީ ހަމަސް ދުވަހުން ނިންމާށެެ.
ބަށި ކޯޓު އަޅާނީ ހއ. އަތޮޅުގެ 11 ރަށަކާއި ހދ. އަތޮޅުގެ 12 ރަށަކާއި ރ. އަތޮޅުގެ 12 ރަށަކާއި ބ. އަތޮޅުގެ އަށް ރަށަކާއި ޅ. އަތޮޅުގެ ރަށަކާއި ކ. އަތޮޅުގެ ރަށަކާއި ވ. އަތޮޅު ދެ ރަށަކާއި މ. އަތޮޅު ދެ ރަށަކާއި ފ. އަތޮޅު ހަތަރު ރަށަކާއި ލ. އަތޮޅުގެ އަށް ރަށަކާއި ގއ. އަތޮޅު އަށް ރަށަކާއި ގދ. އަތޮޅު ނުވަ ރަށަކާއި އައްޑޫ ސިޓީ ހަތަރު ރަށެކެވެ.
ފުޓްސަލް ދަނޑު އަޅާނީ ހދ. އަތޮޅު ފަސް ރަށާއި ރ. އަތޮޅު ހަތަރު ރަށާއި ފ. އަތޮޅު ދެ ރަށާއި ލ. އަތޮޅު އެއް ރަށާއި ގއ. އަތޮޅު ހަތަރު ރަށާއި ގދ. ފަސް ރަށުގެ އިތުރުން އައްޑޫ ސިޓީގެ މަރަދޫ ފޭދޫގައެވެ.