އެމްބެސެޑާ އެޓް ލާޖްގެ މަގާމަށް، މ. މާހުރާ، އަހްމަދު ސަލީމް މިއަދު އައްޔަންކުރައްވައިފި އެވެ.
އެމްބެސެޑާ އެޓް ލާޖްގެ މަގާމަށް، ސަލީމް މިއަދު އައްޔަން ކުރެއްވިއިރު އޭނާ ކުރިން ހުންނެވީ ޕާކިސްތާނަށް ކަނޑައަޅުއްވާފައި ހުންނަވާ ސަފީރުގެ މަގާމުގައެވެ.
ސަލީމް ހާރިޖީ ދާއިރާއާ ގުޅިވަޑައިގެންފައިވަނީ 1968 ވަނަ އަހަރުއެވެ. އޭނާ ހާރިޖީ ދާއިރާގައި 21 އަހަރުގެ ދިގު މުއްދަތެއްގައި ހިދުމަތް ކުރައްވާފައިވެއެވެ. އޭގެ ތެރޭގައި އެމެރިކާގައި ހުންނަ ރާއްޖޭގެ ޕާމަނަންޓް މިޝަންގައާއި ސްރީލަންކާގެ ހައިކޮމިޝަނުގައި މަސައްކަތް ކުރައްވާފައިވެއެވެ. އަދި އދ އާއި ކޮމަންވެލްތުގެ މަތީ ފަންތީގެ ބައްދަލުވުންތަކާއި އޯއައިސީ އާއި ސާކްފަދަ ޖަމާއަތްތަކުގެ ބައްދަލުވުންތަކުގައި ވެސް ސަލީމް ވަނީ ބައިވެރިވެ ވަޑައިގެން ރާއްޖެ ތަމްސީލު ކުރައްވާފައިވެއެވެ. މީގެ އިތުރުން 2012 އިން 2014 އަށް ސާކްގެ 11 ވަނަ ސެކެޓްރީ ޖެނެރަލްގެ މަގާމުވެސް ސަލީމް ވަނީ ފުރުއްވާފައެވެ.