ގައުމީ ފުޓްބޯޅަ ޓީމު މީގެ ފަހުން މޮޅުވާ ކޮންމެ މެޗަކަށް ޓީމުގެ ކޮންމެ ކުޅުންތެރިއަކަށް 10،000ރ. ބޯނަސް އެއް ދޭން އެފްއޭއެމުން ނިންމައިފި އެވެ.
ނޯމަލައިޒޭޝްން ކޮމިޓީގެ ޗެއާމަން މުހައްމަދު ޝަވީދު އޭނާގެ ރަސްމީ ޓުވިޓާ މެދުވެރިކޮށް މިކަން އިއުލާނުކުރީ ފިލިޕީންސާއެކު މާދަމާ ރާއްޖެ ކުޅެން ޖެހޭ އެކުވެރިކަމުގެ މެޗުގެ ކުރިންނެވެ.
ގައުމީ ޓީމަށް މީގެ ކުރިން ދެމުން އައީ މަހު މުސާރަ އެވެ. އެއީ ސަރުކާރުން ދެމުން އައި އެއްޗެކެވެ. ފުރަތަމަ ފަހަރަށް މެޗު ބޯނަސް ތައާރަފްމިކުރީ ކުޅުންތެރިންގެ މޯޓިވޭޝަން ރަނގަޅު ކުރުވުމަށެވެ.