ދުނިޔޭގެ ފުޓްބޯޅަ ޖަމިއްޔާ ފީފާއިން މިއަދު ނެރުނު މިދިޔަ މަހުގެ ކޮކާކޯލާ ފީފާ ރޭންކިންގައި ރާއްޖެ ދެ ދަރަޖަ ފަހަތަށް ވެއްޓިއްޖެ އެވެ.
ދެ ދަރަޖަ ފަހަތަށް ވެއްޓި ރާއްޖެ ސަރަހައްދުގެ ހަ ވަނާގައިވަނީ ދުނިޔޭގެ 177 ވަނަ ގައުމުގެ ގޮތުގައެވެ. ސާކް ސަރަހައްދުގެ އެއްވަނަ ލިބެނީ އަފްގާނިސްތާނަށެވެ. އެ ގައުމަށް ދުނިޔޭގެ 130 ވަނަ ލިބުނުއިރު އިންޑިޔާ އޮތީ 155ވަނާގަ އެވެ. ބޫޓާން 164 ވަނާގައިވާއިރު ބަނގްލަދޭޝް ވައްޓާލުމަށްފަގު ސަރަހައްދުގެ ހަތަރެއްގައިވަނީ ޕާކިސްތާނެވެ. އެ ގައުމަށް 170ވަނަ ލިބޭއިރު ބަނގްލްދޭޝް އޮތީ 173 ވަނާގައެވެ. ރާއްޖެ އަށް 177 ވަނަ ލިބޭއިރު ސްރީލަންކާ އޮތީ 184 ވަނާގަ އެވެ. އެންމެ ފުލުގައިވަނީ 185 ވަނާގައި އޮތް ނޭޕާލެވެ.
ސާކް ގައުމުތަކުގެ ތެރެއިން މި ފަހަރު ކުރިއެރުން ލިބިފައިވަނީ އިންޑިޔާ އާއި ޕާކިސްތާން އަދި އަފްގާނިސްތާނަށެވެ. މީގެ ތެރެއިން އަފްގާނިސްތާނަށް ހަތަރު ދަރަޖަ އަދި އިންޑިޔާ އާއި ޕާކިސްތާން ކުރިއަށް ދިޔައީ އެއް ދަރަޖަ އެވެ. ރާއްޖެ އާއި ލަންކާ ދެ ދަރަޖަ ފަހަތަށް ދިޔައިރު، ބަނގަލްދޭޝް ތިން ދަރަޖަ އަދި ނޭޕާލް އެއް ދަރަޖަ ފަހަތަށް ވެއްޓީ ބޫޓާން އޮތީ އެއްވަރެއްގަ އެވެ.
މި ފަހަރުގެ ރޭންކިންގައި ވެސް ދުނިޔޭގެ އެއްވަނަ ލިބެނީ އާޖެންޓީނާ އަށެވެ. އެންމެ ފަހުގެ ރޭންކިންގައި ވެސް އެއްވަނާގައި އޮތީ އާޖެންޓީނާ އަށެވެ. ޗިލީން ދެ ދަރަޖައިގެ ކުރިއެރުމަކާއެކު 10 ވަނަ އިން އަށަކަށް ކުރިއަށް ޖެހިލިއިރު އިނގިރޭސިން ވަނީ އަށަކުން 10 ވަނަ އަށް ވެއްޓިފަ އެވެ. ގަދަ 10ގައި ދެން ހިމެނެނީ ބެލްޖިއަމް، ޖާމަނީ، ކޮލަމްބިއާ، ބްރެޒިލް، ޕޯޗުގަލް، ރޫމޭނިޔާ އަދި ވޭލްސް އެވެ. ސްޕޭނަށް 11 ވަނަ ލިބޭއިރު ފްރާންސަށް ލިބެނީ 24 އަދި އިޓަލީއަށް 16 ވަނަ އެވެ.