ރާއްޖޭގެ ޖަލުތަކުގައި ހުކުމް ތަންފީޒު ކުރަމުންދާ ސްރީލަންކާއަށް ނިސްބަތްވާ ހުރިހާ ގައިދީންތައް އެ ގައުމުގެ ސަރުކާރާ ހަވާލުކުރަން ނިންމައިފި އެވެ.
ރައީސް އޮފީހުގެ ސްޕޯކްސްޕާސަން އިބްރާހިމް މުއާޒު އަލީ މިއަދު ކުރެއްވި ޓްވީޓެއްގައި ވަނީ ރާއްޖޭގައި ހުކުމް ތަންފީޒު ކުރަމުންދާ ސްރީލަންކާގެ ހުރިހާ ގައިދީންތައް އެ ގައުމުގެ ސަރުކާރާ ހަވާލުކުރަން ރައީސް އަބްދުﷲ ޔާމީން ނިންމަވާފައިވާ ކަމަށެވެ. މުއާޒުގެ ޓްވީޓްގައިވާ ގޮތުން މިހާރު ރާއްޖޭގެ ޖަލުތަކުގައި ހުކުމް ތަންފީޒު ކުރަމުންދަނީ ލަންކާއަށް ނިސްބަތްވާ 15 މީހެކެވެ.
ކުށްވެރިން ބަދަލު ކުރުމާ ބެހޭގޮތުން ސްރީލަންކާ އާއި ރާއްޖެއާ ދެމެދު ކުރިން އޮންނަނީ އެއްބަސްވުމެއްގައި ސޮއިކޮށްފަ އެވެ.