އިޒުރޭލުގެ ބޮޑުވަޒީރު ބެންޖަމިން ނަތަންޔާހޫއާ ގުޅުން ހުރި ކޮރަޕްޝަންގެ މައްސަލަތަކެއް ބަލަން ފެށުމަށް އިޒުރޭލުގެ ކޯޓަކުން ތާވަލުކުރުމާ ގުޅިގެން -- ހަނގުރާމަތައް ކޮޅެއްގައި ޖެހެންދެން އަޑުއެހުންތައް ފަސްކޮށްދިނުމަށް ނަތަންޔާހޫ އެދިވަޑައިގަތެވެ.
ނަމަވެސް، ޔަހޫދީން އިސްތިއުމާރުކޮށްފައި އޮތް ގުދުސްގައި ޒަޔަނިސްޓުން ހިންގާ ސަރަހައްދީ ކޯޓަކުން ވަނީ އަޑުއެހުންތައް ފަސްކޮށްދެވެން ނެތް ކަމަށް ބުނެ ނަތަންޔާހޫގެ ގާނޫނީ ޓީމަށް ޖަވާބުދީފަ އެވެ.
ނަތަންޔާހޫ އެދިވަޑައިގަތީ ފެބްރުއަރީ 25، 2025 އާ ހަމައަށް އަޑުއެހުންތައް ފަސްކޮށްދިނުމަށެވެ.
ނަމަވެސް، ކޯޓުން ބުނީ ކުރިންވެސް ތާވަލުކޮށްފައި އޮތް ގޮތަށް ކުރިއަށް އޮތް ތިން ހަފުތާ ތެރޭގައި ފަށާނެ ކަމަށެވެ.
ރިޕޯޓްތައް ބުނާ ގޮތުން ނަތަންޔާހޫގެ ގާނޫނީ ޓީމުގެ ފޫކޮޅުގައި މިހާރު އޮތީ ރޮއިވެފަ އެވެ. ހަދާނެ ގޮތް ހުސްވެ ފަނޑިޔާރުންނަށް އާދޭސްކުރަމުންދާ ކަމަށް ޚަބަރުތައް ބުނެ އެވެ.
ގާނޫނީ ޓީމުން ބުނާ ގޮތުން ހަނގުރާމައާ ހެދި މައްސަލަތަކަށް ޖަވާބުދެއްވުން ބޮޑުވަޒީރަށް ވަނީ ތަކުލީފަކަށް ވެފަ އެވެ. ހާލަތު އޮތް ގޮތުން އެންމެ ރަނގަޅު ޖަވާބު ނުދެވިދާނެ ކަމުގެ ބިރު އޮތް ކަމަށް އެ ޓީމުން ބުންޏެވެ.
ނަތަންޔާހޫގެ މައްޗަށް އުފުލާފައި ހުރި ދައުވާތަކުގެ ތެރޭގައި ކޮރަޕްޝަނާއި، ރިސްވަތުދިނުން، ރިޝްވަރު ލިބިގަތުން އަދި މަގާމުގެ ނާޖާއިޒު ފައިދާ ނެންގެވުން ހިމެނެ އެވެ.
ނަތަންޔާހޫގެ މައްޗަށް އުފުލާފައި ހުރި މިފަދަ އެއްވެސް ދައުވާއެއްގެ ސަބަބުން ބޮޑުވަޒީރުގެ މަގާމުން އިސްތިއުފާ ދެއްވަން ޖެހި ވަޑައެއް ނުގަންނަވާނެ އެވެ.